útlandsbúi

Timi til komin, eða????

2007-01-21T16:43:00.000+01:00

Ég bara má aldrei vera að því að skrifa í þetta blogg, er svo þreytt á kvöldin þegar ég er búin að vinna við tölvuna allan daginn að ég bara kveiki ekki á henni liggur við.
Núna erum við loksins búin að geta tvær tölvur að einni og núna er það mín sem er á gólfinu, en bara stutt því ég hef kaupanda að henni. Svo í dag pökkuðum við öllu auka dóti í kassa eða sameinuðum í kassana sem voru í og ofan á tölvuskápnum, tókum öll málverkin sem stóðu upp við vegginn í svefnherberginu, sem ég hef ekki hengt upp ennþá og svo tók ég niður nokkrar til að setja upp aðarar frá Stig, svo þetta keyrðum við í geymsluherbergið sem við leigjum þar til við flytjum í höllina (geðsjúkrahúsið, Guakshreiðrið), svo núna höfum við allt í einu hellings gólfpláss....sniðugt.
Við erum búin að breyta íbúð eða skipta fáum að taka þá sem er á efstu hæðinni í staðin fyrir á neðstu, en það eru 3 hæðir, hver hæð með 3,60 í lofthæð. Það er íbúðin efst á horninu, þetta verður glæsilegt. Myndirnar hér fyrir neðan eru úr eldhúsinu á samskonar íbúð frá hinum endanum á húsinu. Sjáið bara gluggana hvað þeir eru flottir, við fáum 14 svona glugga í allar áttir.

Svo það verður gaman að koma og heimsækja okkur á geðsjúkrahúsið.

Það kom allt í einu vetur í gær, snjóaði alveg helling svo maður svaf ekki í nótt fyrir ruðningstækjunum, voru hér fyrir utan kl 4,30 í nótt, en núna er hitinn undir frostmarki en ekki mikið, svo er bara að sjá til hvað þetta helst lengi við svona, allt í þessu fína ef snjórinn heldur sig á sama stað og að ekki snjói ofan á hann meira, og væri æðislegt ef þetta bara héldist svona í jan, feb og eitthvað fram í mars og svo kæmi vorið.
Að síðustu læt ég fylgja mynd af öllu Gaukshreiðrinu, sem reyndar heitir
Kristinapalatset á Marieberg . Hún lennti víst efst, en tekur sig alveg prýðilega út þar. Okkar er lengst til vinstri á efstu hæðinni, en verður ekki tilbúin fyrr en ca oktober, seinkar aðeins.
Hvernig líst ykkur á????? Komið með komment.

Engin vetur

2006-12-10T19:20:00.000+01:00

Ég ætla nú ekki að skrifa um veðrið núna nema að láta vita að byrnirnir hér í Sverige geta ekki sofnað ennþá vegna hita....eða farið í híði eins og það heitir.

Ég og Stig-Lennart ætlum að fara til Kanaríeyja, nánar till Maspalomas og njóta hitans, jólanna og áramótanna þar, svo við förum héðan þann 22 des og komum aftur hingað 7 janúar, það fara tveir dagar í ferðir til og frá flugvellinum því við þurfum að keyra til Malmö sem eru 500 km, það var uppsellt frá öllum öðrum flugvöllum hér í grend.

Sennilega hef ég ekki tíma til að skrifa neitt blogg fyrir þann tíma og vil bara óska ykkur öllum Gleðilegra Jóla og heillaríkt nýtt ár (er þetta háfleigt) og vona bara að þið takið það rólega um jól og áramót, því það ætlum við að gera.
Ég sendi takmarkað af jólakortum og vonandi finnst þeim sem ekkert fá, það vera í lagi?????

Gleðileg Jól..

Ennþá meira myrkur

2006-11-23T19:08:00.000+01:00

Það er alveg vonlaust að halda við tiltektinni í þessu bansetta myrkri, en ég geri góða tilraun samt.
Svona lítur þetta út hjá mér...góð systir sagði mér að svona væri þetta aldrei hjá mér og góð systir sagði að það væri allt of mikið af hlutum inni hjá mér..eru þið hin sammála eða hvað?
En það er dálítil glæta að koma fram...fólk að koma til að kíkja á mitt sófasett sem er til sölu..ekki þetta á myndinni, þá minnkar í geymslunni og er meira pláss fyrir meira dót. Gaman, gaman.
Hér lætur vetur konungur bíða eftir sér...sem betur fer, bara alltaf hiti upp í 10-12 gráður, vonandi bíður hann þar til á aðfangadagskvæld, en þá er ég á KANARI.
Hvernig væri bara að kveikja á sterkum lampa í þessu myrkri??
Ég held ég geri það og haldi áfram að taka til
Látið ykkur líða vel, mér líður vel í minni nýju sambúð.

Tiltekt í myrkri..

2006-11-10T20:10:00.000+01:00

Þetta með tiltekt er dálítið erfitt stundum, það er þegar maður bara verður að taka til er alveg vonlaust að komast í skap til þess, eða stuð.
Eruð þið sammála?
Það er föstudagur og ég held þetta sé sá fyrsti föstudagur síðan ég og Stig kynntumst erum ekki saman...en vinnufélagar hans kröfðust þess að hann hefði útfluttningspartý í kvöld og ég mátti ekki vera með:-( enda allt í lagi ég ætla að taka til, skúra, sópa og ryksuga...kanski ekki í þessari röð samt.
Það sem ég er búin að gera er að rýma smá til í fataskápnum svo að einn og hálfur skápur er laus, enda eiga karlmenn aldrei eins mikið af fötum og við kvennþjóðinn. Sammála?
Einnig henti ég alveg helling úr búrskápnum því allt þar var komið langt fram yfir best fyrir dag, svo það var bara að setja í ruslapokann, svo búrskápurinn er hálf tómur, en ekki lengi....

Ég fann laxbita í frystinum og sauð mér með kartöflum og smjöri og smjörið er svona með saltflyksum í, en í auglýsingunni er kýrin hún Rósa niður við hafið og er þá spurt: Hvað er Rósa að gera niður við sjó? Þannig varð til smjör með hafsalti og það er geðveikt gott....maður þarf ekkert álegg með.
Eftir matinn vaskaði ég upp (engin uppþvottavél) og kveikti svo á tölvunni og ætlaði að kópíera myndir frá tölvunni á geisladisk handa Pelle svo hann fái sínar myndir og gerði það enda ekki svo mikið eftir sem ég var ekki búin að gera...þá eru bara öll myndaalbúnin eftir...ekkert gaman, en verður að gerast samt.
Svo nenni ég engu meira svo öll tiltektin er eftir og það er dálítið ryk hér sem enginn hefur þurrkað af í allt sumar, en það er svo heppilegt að það eru svona filter í oppnunnarfögunum í gluggunum svo það er ekki svo rosalega mikið ryk úr því ég var sama og ekkert í íbúðinni til að þyrla upp neinu....En ég kanski vakna snemma í fyrramálið og geri eitthvað þegar er bjart úti, erfitt að þrífa í myrkri, ekki það að ég sé ekki með ljós, jú, jú...bara ekkert gaman.
Svo koma fluttningakallarnir sennilega upp úr hádegi því kerran er leigð frá kl 10 þegar þeir eru búnir að sofa úr sér bjórinn, blessaðir....
Svo á morgun laugardaginn þann 11 nóvember 2006 verð ég í sambúð og ég sem ætlaði það aldrei, en aldrei að segja aldrei sannast hér með.
Ég hef ekki ennþá fundið nagladekk undir bílinn minn...ætlaði að kaupa notuð og á felgum en öll dekkjaverkstæði segja að Toota Avensis séu það vinsælir bílar að það koma engin dekk inn til sölu....en núna er ég hætt að keyra á milli svo bíllinn fær að vera í bílskúrnum að mestu og ég held áfram að leita að dekkjum, það er bara vonlaust að kaupa ný..launin min duga sko ekki fyrir þeim, kosta allt of mikið. Svo er ekkert víst að við ætlum að eiga tvo bíla, algjör óþarfi ég er bara 8 mín að labba í vinnunna en hann þarf að keyra í næsta bæ og það tekur hann 15-20 mín.
Þannig eru málin hjá mér í dag eða kvöld. Ætla bara að fara og leggja mig snemma, finna eina bók eftir Arnald Indriðason sem Jenny á hér hjá mér, er nýbúin að lesa Mýrina sem var mjög góð.
Passið ykkur í óveðrinu.....

Stokkhólmur

2006-11-03T13:46:00.000+01:00

Já, núna verð ég að standa mig í blogginu, betra að gera það núna, því á næstu dögum og vikum verður mikið að gera hjá mér....það flytur inn hjá mér maður í mína litlu íbúð, hef verið að í allan dag (tók frí frá vinnu) að taka til í fataskápnum mínum og tæma tvo til að hann hafi eitthvað pláss fyrir sín föt, og vitið þið bara hvað, ég hef fullan poka af bolum og peysum sem ég ætla að gefa í fatasöfnun, ég var dálítið nísk síðast fyrir ca einu ári að henda frá þeim hillunum, en núna rauk allt burtu sem ég hef ekki notað í 2 ár og það er hellings pláss núna...en er venjulega fljótt að fyllast ef maður er að flækjast í búðum......en ég var í Stokkhólmi miðvikudag og fimmtudag (í gær) á svona ráðstefnu fyrir skólaritara og ætluðum við Britt-Marie að fara í smá könnunnarferð í eina uppáhaldsbúð, sem var ógjörningur vegna veðurs......jú, alveg satt..

Á miðvikudagsmorgun átti lestin að fara kl 6,50, en þegar maður beið á lestarstöðinni kom rödd í hátalaran sem segir að það er mikil seinkun á lestinni vegna þess að það hafi fokið um koll tré og lagt sig yfir brautina, svo við þurftum að bíða í 40 mín.....allt í lagi þar sem við biðum innandyra, en úti var rok og kallt, engin snjókoma....þegar nær dregur tímanum sem lestinn átti að koma kom röddin aftur og segir að það sé ennþá meiri seinkunn, ekki hafi dugað að saga burtu trén heldur tóku önnur tre á öðrum stað burtu allt rafmagn svo þá komst ekki lestinn lengra....en við biðum og biðum og loksins kom röddinn aftur og sagði að hún kæmi (sko lestinn) kl 8,50 tveimur tímum of seint, nú það var bara að sætta sig við það við áttum að vera komin á ráðstefnuna kl 9,30 . Svo kemur lestinn loksins og það var auðvitað X2000 sem er svo þægileg. Á leiðinni talaði lestarstjórinn við okkur og útskýrði allt, en það var snjóstormur um allt landið (nema Kristinehamn og Degerfors og náliggjandi bæjum) svo trén voru svo þung af blautum snó að þau beigja sig niður á rafmagnslínurnar svo það var hálft landið rafmagnslaust...en við erum á ferð samt ekki á fullum hraða, og þurftum sennilega að fara aukakrók til að fá rafmagn og þá yrðum við ennþá meira of sein eða ca 1/2 tíma í viðbót svo þá var þetta komið í 2 og hálfan tíma í seinkunn, (ferðin tekur venjulega bara einn tíma og 50 mín annars).
Nú við komum til Stokkhólms án þess að þurfa fara þennan auka hálftíma, svo við leituðum að hótelinu sem var ekki svo langt frá járnbrautarstöðinni og fengum að geyma töskurnar og leitum svo að staðnum sem við ætluðum að vistas í í tvo daga á ráðsetfnu...og mætum mátulega í hádegismatinn sem var bakaður lax frá Noregi með góðgæti....það var auðvitað stórhríð í Stokkhólmi og varð bara verra og verra eftir sem leið á daginn. Ráðsetfnan þann daginn var búin kl fjögur og við á hótelið til að fiffa okkur upp fyrir kvöldherligheitin sem var matur vin og skemmtiatriði...nú þegar kemur snjór í Stokkhólmi verður allt snarvitlaust og allt fer í kaós, allir bílar á sumardekkjum því stórborgarbúarnir trúa ekki á að þetta geti hent þá, nei nei...samt var búið að vara við þessu í 3 daga. Við vorum svo vitibornar að panta Taxi þegar við tékkuðum inn á hótelið og átti hann að koma 18,40 og við bíðum þarna uppáklæddar og sjáum alla bílana sem voru fastir á götunni fyrir utan hótelið og tölum um að þetta bara mjakast ekkert áfram...en að við pældum í að taxin kæmi ekki...við erum úr sveitinni og svona er aldrei þar...sko kaós. Svo eftir ca 10 mín kemur konan í afgreiðslunni og segir að það kemur enginn taxi eins og þið sjáið, það kemst enginn bíll neitt áfram og kemur ekki til með að losna svo það er eins gott að þið bara labbið það tekur ykkur bara korter við venjulegar aðstæður svo við örkum út sumar í pilsi og nælonsokkabuxum og enga vettlinga (það var engin vetur heima) en við komum bara 20 mín of seint en fengum samt okkar velkomst drykk og mat og vín og skemmtiatriði sem stóð yfir til kl hálf tólf og þá var bara að akra heim á hótel aftur en snjóstormurinn var hættur en það var rok (storm) og mjög kallt, veit ekki hve mikið frost.

Svo heyrir maður í sjónvarpinu um morguninn að öll traffík lestir og bílar hafi stoppað við kl sjö um kvöldið, fólk í þúsundatali sem þurfti að sofa á lestarstöðinni og í lestum og bílum hingað og þangað um landið og þegar við örkuðum af stað frá hótelinu kvöldið áður voru tveir svona harmonikku strætóar á veginum þversum og ínn í hvorum öðrum og þannig voru þeir líka um morguninn, svo allt var lamað í borginni, allir lestar víxlar frusu svo það komust engar lestir eitt né neitt.
Svo við vorum alveg viss um að við kæmumst nú ekki heim á þeim tíma sem var áætlað og að við kanski gætum farið inn í uppáhaldsbúðina okkar, en nei nei þessu höfðu þeir reddað svo við komumst heim á áætlunnartíma og engin búðarferð, sem var bara gott, annars hefði fataskápurinn minn orðið fullur ha, ha, ha.

Ráðstefnan var bara nokkuð góð og mikið út úr því að hafa fyrir okkur og maturinn var góður báða dagana og tala nú ekki um kvöldið....svona var nú ferðin sú.

Núna er alveg glampandi sól og logn en frost, svona eiga veturnir að vera...enginn snjór, en best að taka fram vettlingana og treflana.

Er ég ekki duglega ð BLOGGA???

Ótrúlegt, alveg ótrúlegt bara???? Hvað?

2006-10-29T18:03:00.000+01:00

Ég er svo hlessa, bara komst inn til að blogga nýtt blogg och sumarið búið, ég var alveg búin að gleyma hvernig ég kæmist inn til að blogga, en sko Jenny mundi það og hún er farin heim aftur, stutt stopp hjá þeim hjónakornum, en þau komu í heimsókn til Svíaríkis eina lúxus helgi. Gaman að því, nema hún var veik tvo daga, en gerði sitt besta í að vera með í búðum og þannig.

Hvað á ég að blogga um, jú, bráðum verð ég sambúi með Stig-Lennart, en hann flytur til mín í litlu íbúðina eftir nokkrar vikur eða miðjan nóv, svo flytjum við aftur ca í september í sameiginlega íbúð, ég meina sem við ákváðum sameiginlega að eiga heima í. Úr því Iris og Frikki gátu búið í 50 ferm, íbúð reddum við þessu, bara geymum húsgögnin í stórri geymslu á meðan.

Já, veturinn er komin aftur eftir stórkostlegt sumar...eða kanski ekki vetur, það eru búnar að vera tvær frostanætur hér en sól á daginn.

Eru hvalirnir alveg að fara með ykkur á skerinu?
Fara allar kvenkyns að byrja að prjóna núna í skamdeginu? Gott mál. Sumir tína skeljar líka skilst mér og aðrir að kafna í vinnu og félagsstarfi dótturinnar.....nefni engin nöfn.
Svo flytja sumir til næstum æskustöðvana sinna og minnast góðra tíma þaðan (eða hvað) það er svona þegar annar helmingurinn er frá æskustöðvunum sem dregur hinn....mér líst mjög vel á þetta hjá ykkur. Gott fyrir mig þegar ég kem í heimsókn að hafa tvær dætur á sama svæði, bíð bara eftir litla barninu líka á sama stað......??

Hef ekkert að segja, enda sennilega allir gefist upp á að kíkja á mitt gamla blogg...
Heyrumst bara.

Ætla ekki að blogga mikið.....

2006-04-27T21:28:00.000+02:00

Þetta er barasta prufa, ætla ekki að skrifa alveg helling ef þetta svo tekst ekki, eins og hjá Jenny, því ég er mað sama blogg system.
Bara er svo ánægð því vorið er að koma, allt að byrja að springa út og allir að fá ofnæmi út af því. En samt æðislegt að fá hitan eftir þennan langa vetur.

Islandsresa

2006-04-06T21:56:00.000+02:00

Hæ hæ allir vinir og ættingjar!
Er þetta ekki spennandi, ég að fara heim með nýjan karlmann með mér til að sýna honum ættina og ættin að sjá hann. Aumingja maðurinn skilur ekki hvað hann er að fara út í, en ég segi honum að þetta sé allt í þessu fína lagi, ættinn mín er svo æðisleg og hann auðvitað trúir öllu sem ég segi punktur og basta..
Enda á samkvæmt ákvöðrun fyrir tæpum tveimur árum að vera ættarmót í ár, en það er nú mikið eftir af árinu ennþá svo allt er nú hægt. 'Eg var víst kosin í nefndina til að ákveða næsta mót, (í minni fjarveru)....ásamt að mig minnir Aðalbjörgu og Elínu Báru, við sem erum elstu kvennleggirnir frá Tungu systkynum. Mikið væri nú gaman að hittast í sumar, ég hef nú engar áætlanir að koma upp í sumar svo það er ágætt að þær frænkur eru ekki farnar að athuga eða skipuleggja neitt, ja alla vega hefur engin haft samband við mig og mér finnst eiginlega að það sé betra fyrir heimafólkið að byrja á að setja þetta í gang, þá gæti ég alveg verið með í að gera eitthvað, eins og að gera mat...djók, ekki tek ég með mér mat héðan.....
Eða er ég á rangri hyllu, á ég að byrja úr því ég er í útlöndum?
Komið með tillögu...alveg endilega!!!!
Ég gerði það fyrir mörgum árum, kom með tillögu að hittast í ákveðnum mánuði og það með miklum fyrirvara, en fékk aldrei neitt svar, svo ég bara spyr??
Við sem búum í útlöndum ákveðum ekki bara með viku - mánaðar fyrirvara að koma heim, við þurfum að ákveða minnst með 3-4 mánuðum fyrirfram til að geta tekið frí og farið heim.
Vonandi skilja allir þetta sem ég er að pæla í.......EÐA?

Uppboð

2006-03-23T20:26:00.000+01:00

Jæja...engin vildi bjóða í myndirnar mýnar, þið vitið ekki hvað þið missið, hugsið ykkur hvað þær verða verðmætar eftir mína daga???? Þá fara þær bara á eitthvert annað uppboð.

Ég er heima aldrei þessu vant og er að horfa á sænsku úrslitin í söngvakeppninni af vídeóbandi, því ég var ekki heima síðasta laugardagskvöld. Ég var samt alveg sátt við lagið sem vann, það er hún Carola.....hún vann fyrir 15 árum síðan og þar áður ennþá fyrr. Lagið heitir evighet (eylífð)og hún hafði líka gert nýtt ilmvatn og skýrt það sama nafni en það var ekki nógu gott til að komast á markaðinn ennþá.

Þetta með ostaskera, ég á bara einn....

Og svo á minsta barnið okkar systkyna að fermast á sunnudag.....þá er þetta búið, loksins ha, ha. Vonandi gengur þetta bara vel hjá frænku, hún er svo sæt, fékk smá sýnishorn af henni fyrir myndatöku.

Nu tror jag att våren är på väg äntligen, otroligt hur länge vi haft vinter, massa snö kvar som skall smälta.
På lördag är det våffeldagen här i Sverige, då skall alla baka våfflor och äta med sylt och grädde, det är gott gotti gott gott. Skall göra ett test och skriva lite på svenska för att se om det kommer någon kommentar på svenska, så ni får gärna skriva på svenska.
Fåren i Sverige säger Beee beee inte Meee meee som isländska fåren säger. Eller vad tror ni som känner fåren?

Vinningur á félagsfundi!

2006-03-08T21:11:00.000+01:00

Þetta blogg fer að verða erfitt, af hverju er ég með í þessu? Stefanía var mjög klók að bara lesa og skirifa comment hjá hinum.

Vinningur...jú, ég var á ársfundi hjá stéttarfélaginu sem ég er meðlimur í og var þar boðið uppá mat, og ég valdi mér lax með soðnum kartöflum, voða gott. Nú svo er kaffi á eftir og þegar maður kemur á staðinn fær maður að kaupa sér mest 2 happdrættismiða á mann og var svo dregið við kaffið....ég fékk töluna 6.... og fæ fyrsta vinning, málverk eftir frægan málara hér í Värmland, sem reyndar á heima hér í Kristinehamn, myndin er 900 kr sænskra virði, stundum leikur lánið við mann, ég sem á svo mikið af myndum, en ég ætla að geyma þær uppi á háa lofti svo ég geti skipt stundum, kanski á milli fluttninga ha, ha, ha.
Gaman að breyta til stundum??? Eða? Þyrfti að hafa uppboð á bróderuðum myndum eftir mig...er einhver sem býður í einhverja mynd? En páfuglinn verður dýr......

Svíþjóð í dag, hellingur af snjó, hefur ekki verið svona mikill snjór hér í 25 ár, það byrjaði að snjóa um jólin og hefur nánast ekki stoppað síðan og það á að vera vor núna, sama hvað maður talar við GUÐ, hann hlustar bara á þá sem vilja hafa stríð held ég.

Svo er það blessuð söngvakeppninn, en við segum ekkert meira um hana núna. Mér langar bara að nelurnar á mér verði fínar eins og einu sinni, skrítið, sennilega of lítill fiskur og grjónagrautur.

Núna er ég næstum eins og börn skildra foreldra, bý á tveimur stöðum, aumingja börnin sem þurfa á búa á tveimur stöðum, og kanski skipta vikulega, ekki að furða að sum börn eru eins og þau eru í dag þegar foreldrarnir komast ekki að samkomulagi...en þetta er allt of viðkvæmt mál til að fara inná það. En ég sem sagt bý stundum í Degerfors ca aðra hvora helgi svo bakpokinn minn er alltaf í viðbragðsstöðu...en þegar maður er 50+ ræður maður við þetta enda frjálst val.

Eru ekki kosningar í bráð? Hellingur af alskonar loforðum sem maður sér aldrei seinna meir...skítt með það ekki kýs ég....

Ætti ég ekki bara að hætta þessu bloggi, bara tóm vitleysa hjá mér, miklu betra bara að lesa hjá hinum og kvítta fyrir sig.......??? Enda aldrei tími núorðið.....jú, jú, bara ef ég vil...punktur

Jæja....hvernig væri að?????

2006-01-16T20:34:00.000+01:00

Blogga...hvað er það nú aftur, alveg búin að gleyma því, held ég sé með "Alseimer Light" eins og sumir kalla það, þegar maður gleymir næstum.....
Maður kanski fær það þegar maður verður ástfanginn og þá er ég í hættuhópnum.
Það er dásamlegt að vera svona ástfanginn, ennþá betra en þegar maður er 14 ára.
Jú, þannig liggur í málunum, svo ég veit akkúrat ekkert hvað ég get skrifað um, nema að ég og Stig skiptumst á að vera heima hjá hvort öðru um helgar. Hann býr í flottu einbýlishúsi í úthverfi Degerfors sem er 30 km héðan og svo vinnur hann í Karlskoga sem tekur hann bara 15 mín að keyra og ef hann keyrir héðan er hann 20 mín í vinnuna, en ég er 35-40 mín til hans, keyri kanski hægar.....þetta er sko reiknidæmi ef þið fattið það ekki!!

Við vorum í skíðafjalli um áramótin 380 km héðan lengst norður nálægt norsku landamærunum ( IDRE) en hvorugt okkar fer á skíði svo við fórum bara í þotubakkann, nei, við bara löbbuðum vorum reyndar með svona þotur með okkur en fyrst fundum við ekki þotubakkann svo þær voru í bílnum allan tíman, hin pörin fóru á skíði. Svo var bara farið í gufubað á eftir, drukkið eitthvað gott og borðað gott um kvöldið, voða næs og notalegt, fallegt þarna uppi.

Ég verð bara að segja að andinn er ekki yfir mér til að blogga, enda Stefanía í Luxemborg að þvælast með vinnufélögunum og hefur svona luxuxlíf...skil þetta ekki. Djók.
Svona loksins þegar Stefanía fór að fara erlendis stoppar hún ekki, er alltaf í útlöndum.
Læt þetta nægja þar til ég fæ andan yfir mig.

Bráðum koma blessuð jólin, börnin fara að hlakka til..

2005-12-18T12:47:00.000+01:00

Jú, Jenny mín, það er sko komin tími á nýtt blogg og ætla ég að reyna að bæta úr því.
STIGa þarf svo sannarlega til mín á fimmtu hæð. En lyftan er ok, var bara upptekinn áðan, fólk að flytja svona rétt fyrir jól svo STIGan þurftum við eftir göngutúrinn í sólinni áðan 18 des.
Sniðug þú stelpa....
Af hverju ekkert blogg? Nú ég hef verið svo upptekinn undanfarið, hef nefnilega kynnst STIG, sem er maður ári eldri en ég og á heima í næstnæsta bæ ca 25 km héðan og hann er ekki vaxin upp úr hárinu, hefur ekki yfirvaraskegg en svona Don Jonson skegg.
Það sem sagt skeði það sem ég ætlaði aldrei að láta ske að kynnast manni gegnum netið, var þar bara til að hafa gaman, skrifast á við kalla, eins og Regína segir.
Jú, við byrjuðum að skrifast á í maí eða fyrr, en varð ekkert úr þessu yfir allt sumarið, svo bara kom allt í einu bréf í sept og við skrifuðum nokkrum sinnum svona einu sinni í viku, ég ætlaði að loka síðunni minni nennti þessu ekki en þegar ég var að skoða gömul bréf í byrjun nóv slengdi ég nokkrum orðum til hans, hvort hann væri búin að hitta konu og ef hann væri þegar leiður á mér....svar kom um leið og svo blind deit 2 vikum seinna....þannig getur þetta gerst.
Dásamlegur maður. En ég er ekki að fara að flytja......né hann.

Jólin og allt það...hvað er nú það eiginlega? Jú jólasveininn þarf STIGa, en engan kúst til að sópa fótsporin í snjónum því það er enginn snjór, bara glampandi sól núna í nokkra daga og ca 8 stiga frost, sjúklega fallegt veður.
Á aðfangadag verð ég heima hjá Anitu og Bengt, svo veit ég ekki framhaldið, ætla að taka nokkrar vídeóspólur (hef helling af bókum) og ætla bara að hafa það náðugt, þetta eru nú ekki svo margir dagar, kanski fæ ég einhverja heimsókn, hver veit. Ég tek frí alla dagana milli jóla og nýárs, svo ég get horft á helling af spólum....en á fimmtudeginum 29 förum við langt upp í fjöll í svona skíðabústað og verðum fram yfir áramót með Anitu og Bengt og einu öðru pari...ætti ég að fara á skíði? Hvað finnst ykkur? Ég hef aldrei staðið á skíðum og að taka þessa áhættu 350 km upp í norður Svíþjóð og brjóta fætur, nei ég held ég bara labbi alla fínu gönguSTIGanna í staðin með STIG. Þetta er dálítið skemmtilegt nafn finnst ykkur ekki?

Ég á ekkert jólatré, bara fáeina jóladúka og nokkra jólasveina og kertastjaka...nenni ekki að hafa jól, sendi örfá jólakort til eldri ættingja, sem kanski eiga enga tölvu.
Svo er ég komin með SKYPE.....ekki svo vitlaust. Rakel Erna yngri hjálpaði mér að koma þessu inn og tölvan slökkti á sér í tvígang á eftir, en er búin að tala við Skarpa og þetta bara virkaði...svo endilega gott fólk fáið ykkur SKYPE......ókeypis að hringja gegnum tölvuna.
Núna ætti ég að láta þetta duga í þetta sinn, kanski blogga ég í minni einveru um jólin...bara að tékka á því góðu vinir og ættingjar.
Gleðileg jól til ykkar allra og gott og farsælt nýtt ár. Passið ykkur á flugeldunum bara.

Þoka og sól fyrir ofan!

2005-10-30T11:34:00.000+01:00

Jæja, það er ansi langt á milli sunnudaga......en á milli mánudaga og föstudaga er mjög stutt finnst mér, vikurnar bara fljúga áfram og allt í einu er maður að verða einu ári eldri eins og Jenny og Regína.....en aldur í tölum er mikið stundum en maður er ekkert eldri en maður gerir sig til.
Kanski er þetta með sænskum hreim, ég veit ekki.

Í dag er 30 okt og búið að seinka klukkunni svo maður græddi einn tíma í morgun og það er bjartara á morgnana núna en ekki á kvöldin.
Það er hreint ótrúlegt veður þessa dagana, eins og núna er glampandi sól en smá þoka nær jörðinni, dáítið flott, og........haldið ykkur.... 12 stiga hiti...alveg satt. Ég fór í langan göngutúr í gær í sólinni og varð eitt svitastykki, þetta er æðislegt.

Á morgun er ég að fara til Gautaborgar á ráðstefnu í tvo daga á vegum skólans, svo það er nú gaman að fá að skipta um umhverfi annað slagið, annars skipti ég um umhverfi síðustu helgi, þegar mín kæra litla systir og Helga fengu allt í einu þá hugmynd að það væri alveg hægt að fara í verslunnarleiðangur til Stokkhólms, svo þær komu í öllu sínu veldi og ég á móti þeim og voru verslannirnar skannaðar vel og vandlega og margt og gott keypt og borðað, lestir og neðanjarðarlestir einnig skannaðar.

Þessi vika er vetrarfrí í skólunum svo það verður rólegt þar þegar ég kem tilbaka frá Gautaborg, en ég hef ekki vetrarfrí, en til að ég geti fengið vetrarfrí þarf ég að taka sumarfrí...furðulegt.

En það er best að láta þetta rugl duga núna....ætla að fara í langan göngutúr í dag líka og svitna ærlega, það er svo gott og heilsusamt að vera úti og eiginlega í hvernig veðri sem er, en best að njóta þess þegar veðrið er svona gott. Hlaða sólinni í heilabúið.

Þið líka, út og labba......minnst 30 mín á dag.

Haust og "storm"

2005-09-18T09:46:00.000+02:00

Er ekki komin tímin til að tengja?????
Tangja hvað?
Nú samböndin auðvitðað....það er lélegt á blogginu þessar vikurnar.

Svo á bara algjörlega að yfirgefa mömmu sín, litla yngsta barnið bara fer á klakan...en ég er nú svo sem ekkert óróleg yfir því, er þetta ekki fjórða tilraunin hennar að flytja aftur, kanski tekst það í þetta sinn, kanski ekki, alla vega ætla ég að geyma þetta fræga sófaborð sem var til umfjöllunar hér ja, fyrir löngu síðan, svo annað hvort kemur hún aftur og tekur sófaborðið eða að ég þarf að drattast með það allt lífið ha, ha. Og ríamottuna kringlóttu.

Og ég er búin að koma mér næstum fyrir, það er bara dálítið próblem eftir, á allt of marga eldhússtóla svo þeir eru fyrir í minni litlu holu, en kanski sel ég bara meira úr geymslunni og set stólana upp í staðin, seldi tölvuskrifborðið mitt en það tók næstum því heilan vegg í stofunni svo systir Karin (skólahjúkkan) gaf mér sitt litla gamla og þá er allt í einu pláss í stofunni svo ég þarf að hugsa hana upp á nýtt.

Það er svo mikið rok í kviðum hér í dag en í gær var svo æðislegt veður glampandi sól allan daginn, og hér fyrir utan svalirnar á fimmtu hæð er risa stórt tré (Tall) en það er einhverskonar jólatré (sama sort sést á myndinni sem var í fyrra bloggi) svo þegar er svona hvasst held ég að það komi inn á svalirnar og ef það skeður þá kemur það eflaust inn í stofu og sér um að ég þurfi ekki að hugsa upp á nýtt hvernig stofan á að vera ha, ha.

'Eg fór í IKEA síðasta sunnudag og var ákveðinn að kaupa mér spegill í baðherbergið því það er skrúfa á veggnum fyrir spegil, fann svona kringlóttan sem var alveg ágætur á svæðið og ég kaupi hann en auðvitað eins og konur eru hugsa ég ekki út í hvernig hann er festur upp (það segja karlmennirnir að við hugsum ekki alla leið) og ég voða lukkuleg og ríf utan af honum pakninguna.......það þarf fjögur göt í vegginn svo núna stendur hann inni í herbergi bak við rúmið. Af hverju þarf allt að vera svona erfitt? Ég á enga borvél svo ég þarf að fá einhvern með borvél lánaðan, en það eru nú margir sem eiga borvél.
Regína myndi nú ekki láta þetta aftra sér!!!!!

Í dag ætla ég að baka ísl pönnukökur og færa Njáli og Anne-Marie en hann átti afmæli eins og pabbi og hún á afmæli í dag svo ég er búin að panta tíma og kaffi hjá þeim í dag kl 3.

Annars er bara allt í þessu fína, bara að koma haust og ég búin að vera í sokkum í heila viku og það var meira að segja frostnótt eina nóttina, það var hörmung að koma út, en ég var í sokkum.
Ætla bara að vona að snjórinn láti bíða eftir sér, en það er svo þægilegt núna, ekki þarf ég að moka snjó frá innkeyrslu né af tröppum eða gangstétt og blaðið kemur inn um dyrnar....eða bréfalúguna heitir það víst.

Núna er komin tími til að tengja...og hana nú:-)

Ætla aldrei að flytja aftur:-)

2005-09-04T20:24:00.000+02:00

Púffffff, hvað þetta er erfitt með fluttning.
En þetta gekk samt mjög vel, flutti alla kassa og smádót á fimmtudegi og svo húsgögn á laugardegi. Víðir kom til að hjálpa eins og venjulega, en hann sagði að þegar ég loksins væri komin í ró í þessari íbúð þá myndi ég hitta stóru ástina og vildi flytja aftur.......en þá þyrfti hann sko ekki að koma alla leið frá Gautaborg...nýi kallin gæti séð um hjálpina ha, ha, ha.
Það er svo rólegt og gott hérna í húsinu, enda mikið af eldra fólki. Strætó stoppar alveg hér fyrir utan húsið, póstkassinn er alveg við hliðina til að senda bréf, Taxisoon er hér alveg líka ef maður tekur leigubíl, svo þegar ég kemst á ellilaun skipti ég á bílnum og fæ mér rúllator (svona stól með innkaupakörfu og stól á til að hvíla sig á) og fer í matvörubúðina sem á að opna hér alveg fyrir neðan í október, svo þá er það bara apótekið og sjúkrahúsið sem vantar ha, ha.

Það er ennþá sumarblíða og hiti hér alla daga en getur verið svalt á næturna, svo þetta er æðislegt, bara vantar þægileg húsgögn á svalirnar til að sitja við á kvöldin með kertaljós og leysa krossgátur, nú eða prjóna eins og Heiðrún gerir:-)

Var að prófa að setja inn mynd og svei mér þá ef það ekki tókst alla vega hér á meðan ég skrifa. Sniðugt. Þetta er garðurinn fyrir neðan húsið, tekið af svölunum.

Fór á markaðinn í Filipstad í gær og keypti fullt af stofublómum, svo þetta er að verða mjög heimilislegt hjá mér núna. En það er erfitt að flytja úr húsi í 3ja herb. íbúð og síðan í 2ja herb...með minni skápaplássi, en verð bara að vera duglegri að henda, ekki safna dóti....hvernig geri ég það????? Jú, það er stillt hér úti stórri kerru annan hvern miðvikudag sem maður getur hent stóru dóti sem er ekki venjulegt rusl og svo keyrir húsvörðurinn kerruna og hendir á ruslahaugana, gott mál.
Einu sinni keypti ég matborð og stóla, voða flottir stólar með blárri sessu, en ég keypti 8 stóla, en kem bara fyrir 4-6 núna, enda þarf ég ekki fleiri sjálf, en þetta gerði ég til að hafa fyrir gesti sem komu, svo maður hefði sæti við borðið, hvað á ég að gera við hina stólana? Ekki pláss í geymslunni, ekki pláss í íbúðinni....selja þá? Tími því samt ekki, eru svo flottir.
Heiðrúnu vantar kanski eldhússtóla?????

Hætti þessu rausi í bili, vonandi hef ég eitthvað skemmtilegt að skrifa um næst.

Gallapils

2005-08-20T07:58:00.000+02:00

Ég hef nú ekki tíma til að blogga núna, en þegar maður hefur helling að gera þá kemur maður sér undan að vesenast í því og finnur sér eitthvað annað til að eyða tímanum og sleppa nokkrar mínútur að gera það sem maður þarf að gera.
Þess vegna blogga ég núna....

Ég eins og margir svíar og vonandi ísl. líka (þótt það sé ekki vanalegt) er mikið í pilsi á sumrin (og stuttbuxum og hálfum buxum) (hálfar buxur= niður fyrir hné). Mest er ég í gallapilsi í öllum mögulegum síddum, en þegar maður var yngri og var í pilsi eða kjól þá fannst manni svo auðvellt að fara á WC og bara lifta pilsinu, en gallapils eru ekki svo auðveld, þegar maður lyftir eða tekur upp pilsið við WC heimsókn og allt í lagi þar til maður þarf að koma því niður aftur, þá fara nærurnar alltaf með og maður þarf að toga og toga til að þær komi á sinn stað aftur......þetta finnst mér mjög óþægilegt....en viti menn. Einn daginn við þessar aðstæður uppgvötaði ég tæknina, af hverju ekki gera bara það sama og þegar maður er í gallabuxum...prefekt, ekkert vesen með nærurnar. Þvílíkur léttir að finna þetta út og það er leikur einn að fara á WC núna í gallapilsinu. Hvað maður getur gert lífið létt ef maður hugsar:-)

En af því ég hef ekki tíma fyrir blogg núna þá hætti ég því núna, en ég er að flytja og á fullu að pakka í kassa og litla kassa og alla eins...svo er sumarblíða og 25-28 stiga hiti á daginn svo þetta er erfitt að vera inni og pakka og pakka.
Ég flyt stóra dótið á laugardaginn 27, en er þegar byrjuð að fara með eldhúsdótið og raða upp í nýja eldhúsið. Gaman þegar þetta er búið og þá ætla ég ekki að flytja í mörg ár.......bara safna drasli.
En ég veit ekki alveg hvernig ég á að hafa þetta í nýju íbúðinni minni, hún er bara tveggja herbergja en frekar stór 63,5 kvadratmetrar og ekki gert ráð fyrir þvottavél, en það eru mjög flottar og fínar þvottavélar í kjallaranum, en þegar maður er svona einn er ekki svo mikill þvottur nema nærur og undirföt og svona bolir sem er eiginlega ekki skítugt svo þegar ég flutti hingað keypti ég mér pínu litla þvottavél einmitt fyrir svona þvott.....baðherbergið er það stórt að ég kem þessari litlu þvottavél inn en þá engu meira......svo ég er að hugsa og pæla hvort ég eigi að selja þessa litlu vél og bara ekki hafa neina og geta þá sett hilluna mína og kommóðuna inn á baðið og panta svo þvottatíma í kjállaranum? Hvað finnst ykkur um þetta?????
Vantar hjálp við svona stóru vandamáli......
Svo er annað vandamál.....ég á allt of mikið af gardínum..........get ég breytt þeim í rúmföt?????

Þjófar

2005-08-09T20:48:00.000+02:00

Núna get ég sagt ykkur alveg sanna sögu sem skeði hér í gær. Og ég varð fyrir barðinu:
Í gær hjólaði ég í vinnuna því veðrið var svo gott, bíllinn stóð bara á bílastæðinu sem ég borga 110 kr fyrir á mánuði, hafði ekki notað bílinn síðan um hádegi á sunnudeginum.
Nú þegar ég kem heim hringir grannkonan Ulla og spyr hvort ég komi með í skóginn og labba med stafi og ég alltaf til í allt svona og bara pissaði og fór í joggingskóna. Nú fyrst keyrum við á mínum bíl út í skerjagarðinn sem er ja kanski 10 km og legg bílnum þar á bílastæðið. Við löbbum svo 5,5 km og þegar við komum til baka tókum við eftir að númeraplatan aftan á bílnum var horfinn, bara kolsvart gap sem skein á móti okkur, þetta var auðvitað dálítið áfall og platan situr nú það fast a að hún dettur ekki af bílnum en samt keyrði ég alveg sömu leið tilbaka og engin plata neins staðar.
Nú það var bara að hringja í lögguna og tilkynna stuldin og hún konutetrið skrifar allt niður og ég spyr hvort þetta sé venjulegt, jú, allt of mikið segir hún. Hún segir að ég þurfi bara að hringja í vegverkið (sennilega vegagerðina) og panta nýtt skylti.
Ég er bara svo tæknileg að ég fór inná þeirra heimasíðu og þar er hægt að panta allan sólarhringinn og ég byrja með minn kóda sem ég hafði á skráningarbréfinu, yfir á næstu síðu,,,
Því miður er ekki hægt að panta nýtt skilti því bíllinn er eftilýstur......
Ég fæ sjokk og bíð til í morgun að hringja í lögguna til að athuga af hverju, nú konu greyið hafði gert vitleysu, en sú sem var á vakt þá gat ekki breytt þessu svo ég er koppluð til larmsentralin í Vermlandi. Nei ekki gat hún breytt á meðan ég var í símanum, en hún ætlaði að halda áfram að reyna og eins gott því allir biðu eftir að ég kæmi í kaffi.
Nú svo segir hún að það hafi komið inn skilti í sambandi við glæpamál og það var mitt skilti....úbs...ég sett í fangelsi og sá alla mína drauma bara fara til fjandans, íbúðina bara til einhvers annans og öllu mínu dóti bara hent á haugana úr þessari íbúð......
Það var ekki svo slæmt eins og ég hélt, þjófarnir höfðu stolið skiltinu á bílastæðinu sem ég borga fyrir um nóttina, hengt það framan á sinn bíl og keypt bensín og bara keyrt í burtu...en eftir nokkurn spöl henntu þeir þessu fína skilti bara út á götuna og einhver sem elti þá fundu það og náðu rétta númerinu, svo eflaust eru þeir innlæstir núna....:-).
Svo ég gat farið á mínum númerlausa bíl á löggustöðina og sótt skiltið, svo var búið að bora í það tvö göt svo sennilega þarf ég að panta nýtt efter einhvern tíma. (kostar bara 60 kr).
Happy ending.

Sumarfrí

2005-07-24T12:09:00.000+02:00

Ætti kanski að blogga smá svona til tilbreytingar.
Þetta er alveg rétt hjá Jenny, það er hálf dautt á þessu um þessar mundir enda ekki furðulegt, fólk að nýta útiverunnar og ekki sitja yfir tölvunum. Þetta verður betra um miðjan ágúst gæti ég trúað.
'Eg er sem sagt í sumarfríi og búin að gera mikið. Fór til Sommarland og hitti þar 700 aðra íslendinga, þekkti nú bara Stefaníu, Geira, Aldísi, Rakel og svo Víðir. Nú þar var leikið sér allan daginn í miklum hita og sól, svo var tími til að fara heim og þá kom Rakel með mér heim í nokkra daga og hún greyið í fyrsta sinn að koma til útlanda og lendir í þessari líka hitabylgju, það var þetta 30-33 stig í forsælu og hjálpaði ekkert að opna glugga til að kæla inni.
Nú á mánudeginum fórum við svo með lest til Gautaborgar, þurftum að skipta um 2svar á leiðinni fyrst í Karlstad og svo í Trollhättan en þá var verið að gera við járnbrautina þaðan svo það var rúta í staðinn, en það var í góðu lagi. Svo búsettum við okkur á farfuglaheimili og svo var það Liseberg Tívolíið allan daginn.......
Næst var svo ferðinni heitið til Kaupmannahafnar og það með lest sem tók 4 tíma og vorum við 4 nætur þar, löbbuðum mikið og skoðuðum okkur um. Hittum Ellert og Selmu og svo Huldu Jóns og Védísi. Mikið af íslendingum þar.

Nú svo á sunnudagskvöldinu fóru þau með flugvélinni heim og ég ein eftir og fór með næturrútu til Stokkhólms, 10 tímar takk fyrir í fullri rútu svo þetta var erfitt ferðalag en maður jafnar sig nú alltaf, svo í Stokkhólmi kom Pelle á mínum bíl og sótti mig og ferðinni heitið út á Arlanda til að sækja Kola sem kom einn með flugvél og verður í 2 vikur. Hann var svo stolltur að hafa verið einn, fékk að fara fram í til kapteins og sjá alla takkana, voða spennandi.

Núna í gær komum við frá Dalarna, en við skruppum þangað í heimsókn til Kalle og Carina í 2 daga. veðrið var æðislegt svo hann var þar alsber á ströndinni allan tíman og naut sín 157% var svo ánægður að hann sönglaði með sjálfum sér allan tíman og burslaði í vatninu og veiddi síli með háf.....vildi ekki fara, vildi vera þarna þar til flugvélin færi heim. Góð meðmæli það.....

'I dag sunnudag er skýjað og bara 18 stiga hiti og hann er búin að finna félaga hér úti að leika við, hann talar íslensku og hinn sænsku en það eru engin vandamál, hann skilur sænskuna og kemur með helling af orðum á sænsku svona ómeðvitað en er frekar feimin við það og ef honum blöskrar segir hann bara Bla, bla bla bla......hann er algjör grallari en mjög sjálfstæður og duglegur að bjarga sér. Það er helst ég sem finnst að ég þurfi að hjálpa honum með hlutina en ég reyni að leyfa honum það sem hann vill gera sjálfur....það er svona þegar maður er óvanur. Svo spilli ég honum alveg örugglega ha, ha, ha.
Við höfum ekkert á daskrá nema þá að skreppa í Örebrobaðið og kanski í Tufftåget till Nora. Hann verður að fá að leika sér ef hann hefur einhvern til að leika við. Svo vill hann vera mikið heima hjá Pelle, enda stór lóð og hægt að keyra traktórinn og reyna að hjóla án hjálpardekks, en það gengur svona og svona.....
Þetta er mitt frí, ég þarf sennilega frí til að hvíla mig á eftir þessu öllu ha, ha, ha. En þetta er æðislega gaman að geta fengið hann hingað smá, hann hefur komið og verið hér á hverju ári síðan hann fæddist og það verður bara að halda áfram þannig......

Jæja, þetta dugar núna......hafið það gott.

Löt í hitanum

2005-07-08T21:01:00.000+02:00

Heiðrún mín....ég bara nenni ekki að blogga núna, það er svo heitt (eflaust hjá þér líka) enda er ég í sumarfríi. 'A morgun erum við Rakel að fara í Kålmården dýragarðinn sem tekur allan daginn, eflaust mjög heitt líka þá. Erum búnar að fara á strönd og "bada" ferlega hressandi. Í gær var farið til Karlstad og versla, samt fann hún ekki mikið á sig stelpan. En kósiligt.
Á mánudag förum við með lestinni til Gautaborgar þurfum að skipta um lest tvisvar, fyrst í Karlstad og svo í Trollhättan. Verðum á vandræðaheimili 2 nætur þar og förum að sjálfsögðu í Tívoli Liseberg......svo er ferðinni haldið áfram til Kaupmannahafnar á miðvikudeginum með lest og förum við þá yfir og undir Eystrasaltsbrúna, en lestinn keyrir undir brúnni þangað. Verðum þar til sunnudags 17 þá fara þau öll heim, Stefanía, Geiri, Aldís og Rakel og ég með næturrútu til Stokkhólms til að taka á móti Kola sem kemur einn með flugi til ömmu sín......
Þannig er mitt sumarfrí og ég kemst örugglega í gang að skrifa þegar kólnar (í nóv), bara minna mig á það Heirðún?????

Hafið það gott elskurnar mínar á meðan......

En ég þá?

2005-06-19T14:38:00.000+02:00

Þetta er allra allra allra síðasta tilraunin!

Prófið mitt

það er nú það...hríðar í éljunum...

2005-06-12T20:07:00.000+02:00

Af hverju á ég að skrifa um mína fortíð? Hverjir hafa áhuga á minni sögu sem er ekkert spennandi? Ég get svosem haldið áfram því það er ekkert í sjónvarpinu þetta sunnudagskvöld.

Ég er sem sé komin heim frá 13 mánaða dvöl i Sverige, fer í síðasta bekk í skólanum með krökkunum sem voru einu ári yngri en ég. Þá var orðið allt í einu gaman að læra, ég hafði allt aðra hugsun eftir eins árs frí, var orðin miklu þroskaðri og fékk mjög góðar einkunnir, var meir að segja hæðst í bekknum....smá mont bara.

Ég fór strax að læra á bíl þegar ég kom heim svona Wolfsvagen bragga, það gekk mjög vel og ég hafði það af eins og annað sem ég ætlaði mér. Svo á þessum tíma var auðvitað mikið af böllum sérstaklega svona sveitarböllum sem voru svo skemmtileg og ég var auðvitað mjög vinsæl sem bílstjóri á þessi böll og gerði það með bestu lyst, því ekki drakk ég né mínar vinkonur. Við vorum saman alltaf 5 stykki við þrjár stelpurnar og tveir strákar úr Borgarnesinu og áttum skemmtilegar stundir. Á einu ballinu kynntist ég einum strák frá Skaganum og við vorum dálítið að gauka saman (ekki LÚDÓ), en ég var ennþá alltaf hrifin af æskuástinni minni honum Henry svo hann var alltaf efst í mínum huga á þessum tíma (Pelle var svo langt í burtu orðið) svo einu sinni bauð hann mér upp á Sigmundastaði um páskana minnir mig en þá átti Jói þá og þar var fyrsta sjúddirarirei og ég bara 18 ára...þar hefur þú það Heiðrún....svo villtu ekki vita neitt meira??????

Einu sinni var Rakel og ég á sveitaballi í Brún og það átti að velja ungfrú Borgarfjörð en það voru svona fegurðarsamkeppnir út um allt land og ein valin frá hverri sýslu og ein skólasystir mín sem ég nefni ekki með nafni vildi ólm komast í en komst ekki, en þeir sem voru að velja voru alveg snarvitlausir í Rakel, vildu fá hana á svið til að vera með í keppninni en hún vildi það sko ekki, sagðist vera allt of gömul en þeir ætluðu aldrei að gefast upp og hún gerði það ekki heldur, svo önnur skólasystir mín var valin.....
Þetta voru aðrir tímar þá en mjög skemmtilegir, er bara búin að gleyma svo mörgu.

Framhald.....gamlir tímar

2005-06-02T21:29:00.000+02:00

Ég var víst komin til Sverige. Veturinn var fyrst erfiður en varð betri og betri þegar ég fór að kynnast fólkinu, svíar voru kanski ekki alveg fljótir að taka ókunnuga inná sig þá 1969. Hryllilega er þetta langt síðan.
Ég er í rosalegu stuði allt í einu núna því ég var að kaupa mér stereogræjur á 990 kr (ekki notað) og er að spila íslenska diska...gaman.

Jólin voru líka erfið, ég var reyndar í Gullspång hjá Njáli og var stjanað við mig eins og prinsessu. Mamma hafði bakað súkkulaðibitakökur, hálfmána og smjörkökur og sendi með póstinum, (þá var pósturinn ekki svona dýr) þetta var dálítið í smábitum kanski en rosalega gott, en ekkert hangikét. Nú veturinn leið og svo nálgaðist vorið sem kom snemma að mínu mati í mars minnir mig. 'A veitingahúsinu sem ég vann voru margir fastagestir í hádeginu og þar á meðal nokkrir sætir ungir herramann sem voru mjög áhugasamir af okkur stelpunum innan við lúguna og vildu fá okkur út með sér, nú við slógum til eitt kvöldið og þar hitti ég einn sætan verkfræðing sem sýndi mér áhuga og hittumst við nokkrum sinnum, hann átti ekki heima í bænum, nú við buðum þeim í saumaklúbb með okkur stelpunum frá vinnustaðnum sem var mjög skemmtileg samkoma, en hvað við saumuðum er annað mál. Ekkert Ludo. Nú svo fóru þessir djentelmenn heim, vinnuverkefnið var búið og hann sá ég aldrei meira, held hann vinni í útvarpsstöð í Karlstað, en hann heitir svo algengu nafni....hann t.d. hjálpaði mér að flytja frá gömlu konunni en hann mátti ekki koma inn fyrir dyrnar til að bera dótið mitt fyrir henni.....kallahatari. En dýrkaði Tom Jones í sjónvarpinu. Ég flutti í annað stærra herbergi því Steina var væntanleg, svo við gætum búið þar báðar, fékk herbergi í einbýlishúsi á neðri hæð og voru 4 útleigð herbergi með sameiginlegu baði og eldhúskrók.
Amin vinkona var með strák sem var alltaf að reyna við mig þegar hann gat, hann var ógó, enda hættu þau fljótlega, sérstaklega eftir að ég sagði henni frá hvað hann var að reyna. Það var væntanlegt Tívolí í bæinn og það var sko viðburður fyrir mig, þá helgi var partý hjá Amin og hennar ógó kærasti tók með sér vinnufélaga sem nefndur er Pelle....þar hafið þið það. Ekkert Lúdo. Hann var voðalega skemmtilegur og bauð mér út í tivolí og við fórum í hin ýmsu tæki sem ég hafði aldrei verið með um áður. Hann fór með mig heim til foreldra og bræðra svo fljótlega var ég bara eins og systir þeirra og dóttir, kallaði þau líka morsan og farsan eins og þeir gerðu. Í lok maí var Steina væntanleg og ætluðu Pelle og Kalle að keyra mig á flugvöllinn til að sækja hana, þetta var voðalega gaman að fá hana eftir allan þennan tíma, svo við fjögur urðum óaðskiljanleg allt sumarið og gerðum mikið og margt skemmtilegt. Kalle varð voða skotin í Steinu og hún í honum, en samt varð aldrei neitt alvarlegt nema kossar á okkar tímabili. (Dagný med Bjögga)
Nú þetta skemmtilega sumar leið allt of fljótt, ég var ástfangin að ég hélt og langaði að vera áfram en vildi samt heim til að klára skólan og koma svo aftur, svo það var ákveðið á flugvellinum ha, ha, ha. Allir vita framhaldið þar sem var birt í sænskum blöðum.......og seinna meir í einu ísl.
Heim kom ég í byrjun september með krullur. Þvílíkar móttökur sem ég fékk, pabbi átti afmæli og systkyni mín vissu ekki af því að ég var að koma en fannst voða skrítið að mamma keypti blóm og setti upp í herbergi, Við komum mjög seint svo allir voru sofnaðir nema mamma og pabbi, svo um morguninn var Smári eitthvað forvitinn (leiðréttu mig Smári) og kíkti inn í mitt herbergi til að sjá af hverju blómin voru þar, sá einhvern krulluhaus í rúminu og hvarf aftur á bak dauðskelkaður, en ég kallaði svo hann fattaði þetta og svo var straumurinn af krökkum í herbergið, hélt það myndi aldrei hætta, Helga var líka með eins og venjulega. "Traustur vinur"
Núna læt ég þetta duga í nokkra daga og se til hvort einhver vill að ég haldi þessu áfram, fer eftir góðri músík......."ég hef alltaf verið veik fyrir svona strák sem geysast um á svona bát"

Gamlit tímar, fyrir barnafæðingar..

2005-05-31T22:24:00.000+02:00

Heiðrún er að hvetja okkur gamlingjana og hina sem vilja auðvitað að skrifa um eitthvað sem var áður en við fórum að eiga börnin. Ég er búin að vera að trékkja í heilabúinu en skrýtið, bara man ekkert skemmtilegt, en það er bara að prófa að skrifa aftur og aftur.....

Einu sinni á mínum unglingsárum (ég var alveg voðalega prúður unglingur) vorum við alltaf þrjár saman vinkonur, ég Fanney og Steina. Við höfðum mikið af hugmyndum um hvað við vildum gera og töluðum mikið um það. Við t.d. lágum uppi á hól heima og lásum fyrir vorprófin í maí, það var erfiður tími því maður þurfti næstum að læra allt utanbókar, en við vorum nú svo duglegar og fengum góðar einkunnir.
Eitt sinn sem oftar ákváðum við að fara í tjaldútilegu og útveguðum okkur tjald með botni (kóngulóarfrítt) 'Akvörðunnarstaður var Hreðavatn, en þar var alltaf útidansleikur í kofa fyrir neðan Hreðavatnsskálan með life músík, sko alvöru hljómsveit. Þetta var vinsælasti sumardans í öllum Borgarfirði og var mikið af fólki. Okkur var skutlað þangað uppeftir í hraunjaðarinn við lækjarsprænu, af pabba Steinu og við bægsluðumst með tjald og allan viðleguútbúnað niður hæðina og inn með læknum, frábær staður. Ballið átti ekki að vera fyrr en á laugardeginum og við tjölduðum á föstudeginum. Um morguninn vöknum við við að fólk er að tjalda við hliðina á okkur og við urðum hálf súrar yfir því, tvö tjöld komin og eitthvað fólk úr Keflavík (sem við síðar vissum að var Gauja, Valur og aðrir sem ég ekki kannaðist við) nú þau voru með svona ferðaplötuspilara því þau bjuggu jú í Hljómabæ og spiluðu Penny Lane með bítlunum og fleiri gömul bítlalög og þetta var bara mikið fjör, við fengum að vera með svona smá. Nú um kvöldið var labbað upp að Hreðavatnsskála (þó nokkur spotti) og á ballið og það var svo troðið af fólki að ef manni tókst að komast inn þá bara sat maður fastur og færðist með straumnum og gegnum salinn og út bakdyramegin, svo það var bara verið fyrir utan og hlustað á músíkina. 'Eg hitti þarna einn strák sem ég hafði hitt á ...já haldið ykkur.....á fótboltaleik helgina áður, en það var einhver leikur í Borgarnesi og fullt af sætum strákum...þessi heitir Ómar að mig minnir og var mjög sætur svo ég var bara skotin.....svo vildi hann koma með okkur í tjaldið og plötuspilarapartýið þar, svo engin svaf alla nóttina, þetta var skemmtilegra en ballið, svo var ekki farið að leggja sig fyrr en undir morgun ca kl 8-9, en þá fór 'Omar því rútan sem hann var í átti að fara þá í bæinn, en þeir höfðu verið að keppa einhversstaðar (ég hafði nú ekki áhauga á fótbolta) og komu bara við á ballinu. En reyndar sá ég hann eða hitti nokkrum sinnum eftir það en ekki neitt sem var á milli okkar, við vorum svo saklaus þá, ekkert Lúdó var til......:-)

'Eg var alltaf ákveðin í því þegar ég las um Sverige í skólanum að þangað vildi ég fara og svo átti bróðir pabba heima þar, svo ég ákvað að fara til að vinna eitt sumar og átti þá eftir eitt ár í gagnfræðaskólanum, hafði skrifað Njáli og spurt hvort hann gæti útvegað mér vinnu. Steina ætlaði líka að koma með svo hann ætlaði að hjálpa okkur um vinnu, svo líður og bíður, ekkert svar frá Njáli, en einn góðan veðurdag (eða rigningardag) kom bréf en bara vinna fyrir eina okkar og ekki bara sumarið, heldur eitt ár.....Steina vildi ekki taka eitt ár frí frá skólanum svo hún bara hætti við allt, en ég þrá og ákveðinn sem ég er vildi nú ekki svo létt láta mig, eftir alla þessa fyrirhöfn, svo ég bara ákvað að fara ein, fór í endaðan júlí, var þá mjög skotin í Henry og við vorum að kela bak við hús (ennþá ekkert Lúdó) vorum inni í stofu og spiluðum á spil sko í alvörunni....svo þetta var þó nokkuð erfitt fyrir mig þá að yfirgefa fyrstu ástina mína í eitt ár, en ég var ekkert að bakka með mína ákvörðun svo mamma fór með mér í rútunni til Reykjavíkur og Henry líka, hann kanski fór ekki bara með mér, hann ætlaði að byrja í skóla svo hann fór til að undirbúa sig að mig minnir. Svo fór ég alein, 16 ára til útlanda, Njáll kom og tók á móti mér og við með lest heim og svo byrjaði ég að vinna á Domus veitingastað að vaska upp potta og sleifar, skildi ekki orð í málinu, engin vildi tala ensku eða kunni ekki nema Ceffinn, allir gerðu grín að Islandi, eru símar þar, eru til bílar, búiði í snjóhúsum og s frv. ég reyndi bara að grínast á móti eins og ég gat. Leigði herbergi hjá gamalli konu sem var piparjónka og það fyrsta sem hún sagði að ég mætti ekki hafa stráka á herberginu, hún var ágæt kellinginn en mjög forvitin. M'er leiddist voðalega mikið fyrstu mánuðina sennilega 3 mán, en þá var mér boðið út með einni sem vann með mér (Amin) og þá varð lífið allt léttara og ég farin að tala mitt Kalle Anka mál. En að gefast upp...ekki fræðilegur möguleiki, ég vildi þetta og þá var að standa sig út þann tíma sem um var talað. En þetta fékk engin að heyra nema Steina. Svo kom hún sumarið eftir og ég fékk vinnu fyrir hana og hún tók við pottunum og ég fékk hærri stöðu. Gerði allt í veitingahúsinu nema kokka. Þetta seinna sumar var mjög skemmtilegt, en fer ekki nánar út í það núna.

Núna skora ég á fleiri að láta frá sér heyra.

Rigningarhelgi, greinilega

2005-05-21T13:28:00.000+02:00

Þetta er sko bara ekkert gaman, rigna alla helgina, svo er það örugglega yfir á mánudag þegar vinnan byrjar aftur.
Fór í morgun í rigningunni á "LOPPIS" svona gamallt drasl sem fólk hefur gefið í Lions, en þeir hafa alltaf síðasta daginn á vorin úti og bera allt út og ofsalega mikið fólk og oft hægt að kaupa eitthvað fyrir lítin sem engan pening, sá flottan gamaldags standlampa, seldur á 150 kr, of sein, svaf of lengi.....fór á annan stað líka þar sem Hvítasunnukirkjan selur, fann þar tvo stóra gluggalampa alveg eins, svartur stór fótur og brún rönd hefði bara þurft að kaupa nýja skerma, hafði ekki nógu mikin pening kostuðu 75 kr stk, hugsaði sem svo að ég á helling af lömpum, svo ég fór ekki til að ná mér í pening (þeir taka ekki vísa) heldur ákvað að fara aftur næsta laugardag og kaupa þá þá ef engin annar hefur verið á undan...svo kanski spara ég 150 kr, kanski ekki. Sniðug?
Ef rignir á morgun fer ég til IKEA til að skipta spegil sem ég keypti fyrir tveim vikum, hann er langur, sama stærð og ég, hef alltaf ætlað að fá mér þannig til að sjá mig alla þegar ég klæði mig upp fyrir flottu samkvæmin og þannig, hann var bara flottur kostaði 299 kr, ég voða lukkuleg og pakka honum upp og skoða mig, ég varð ekkert smá svekkt, ég var svo feit og hallærisleg í laginu svo ég næstum kastaði honum yfir svalirnar, hef ekki átt svona stóran spegil svo ég kanski hélt að ég væri svona asnaleg í útliti, en trúði því samt ekki, svo þetta hlítur að vera svona spéspegill eða Tívolí spegill eins og ég kalla hann, gáði svo alltaf annað slagið en var alltaf eins halló. Svo kom ein kona í heimsókn svo ég spurði hana hvernig henni finnst nýji spegillinn minn....hann er ekki eðlilegur segir hún, það sem ég varð fegin, ég var ekki svona hræðileg í vextinum, heldur spegillinn og þegar hún sýndi mér hvernig ég ætti að horfa í hann og á dyrastafina þá sá ég þetta, dyrnar voru næstum kringlóttar í speglinum.....svo á morgun fer ég með hann tilbaka, Anne-Marie vinkona ætlar að koma með mér.
Nú svo er það Evrovision í kvöld, svekkjandi að Selma komst ekki áfram og henni sem var ætlað að ná svo hátt, var í margra uppáhaldi hér í Sverige, svo núna verður maður að stóla á Noreg eða Danmörk, annars er Ungverjaland æði.....

Tölvuvírus

2005-05-15T20:20:00.000+02:00

Jenny er vön að segja: mamma og vírus...einhverntíman verður maður að hafa vírus, ég verð aldrei veik sjálf 7-9-13, svo þá er það tölvan í staðin. En ég er búin að vera á nokkura daga námskeiði til að verða svona It-lirare, sem þýðir að ég á að hjálpa öllu skrifstofufólkinu ef eitthvað kemur fyrir hjá þeirra tölvum og ef ég get ekki á ég að hafa samband við It-tæknideild. Svo ég tók með mér tölvubækurnar heim og gerði tilraun á minni eigin tölvu...fann vírus sem heitir Trojan og trúlega hef ég getað hreinsað hann burtu (eða þar til hann kemur aftur) alla vega hefur tölvan hagað sér eins og hún á að gera í allan dag. Kanski er það bara vegna þess að það er hvítasunna, hver veit.
Það er búið að vera bölvað rok í dag, já alvöru rok (sem er stormur á sænsku) en glampandi sól og heitt.
Á laugardaginn voru 38 ár síðan ég fermdist og þá var líka hvítasunna, ég held þetta sé í þriðja sinn sem þessi dagur kemur á hvítasunnu en núna var hann reyndar á laugardegi. Af hverju?
Af hverju eru svona mörg ár síðan ég fermdist? Skil þetta ekki???? En þú?

Uppstigningadagur

2005-05-05T11:55:00.000+02:00

Frídagur í dag.....fimmtudag og ég í frii á morgun því skólinn hefur frí bæði nemar og kennarar og þá er þetta kallaður "klemmdagur" sko föstudagurinn, þá taka sér margir frí og við öll af skrifstofugenginu gerðum það líka, svo núna hef ég 4 daga frí, þannig hefði það verið líka um hvítasunnu (3 dagar) ef Göran Persson hefði ekki tekið annan í hvítasunnu burtu.....svo þá verður bara venjuleg helgi, en það er allt í lagi því mér leiðist þessir frídagar nú orðið þegar engin Iris og Koli eru hér lengur. T.d. hefðum við getað farið til IKEA í dag og spókað okkur þar og Koli verið í boltalandi....mig langar ekki ein þangað þótt það sé auðvitað það besta, geri það kanski á morgun, hvað finnst ykkur? Það eru bara 60 km þangað svo ekki er það langt, en leiðinlegt að keyra finnst mér. Annars er auðvitað best að sleppa því...kostar alltaf eitthvað af svona seðlum eða þannig þið vitið.
Víðir var hér síðustu helgi í heimsókn, alltaf gaman að fá hann í heimsókn, mikið hlegið og spjallað, hann er alltaf svo hress. Við buðum Anitu vinkonu og hennar sambýlismanni í kvöldmat og það var mjög gaman.
Einhver talar um partý á Evrovisionkvöldinu hjá mér????????
Ég er svo voðalega partýglöð manneskja og hef alltaf verið svo að sjálfsögðu hef ég ekki partý...en Heiðrún ætlar samt að koma og það verður gaman loksins.....kemur hún til mömmu sín. Rækta fjölskyldumálin eins og Katrín ætlar að gera með sín.....

Það er glampandi sól og æðislega gott veður svo þá er bara að gefa sig út í hjólatúr og labbitúr, tek sennilega Picassotúrinn í dag og fæ mér mjúkís í tilefni dagsins.
Ha det.

Valborg

2005-04-29T16:54:00.000+02:00

Hér er haldið upp á "Valborg" svo 30 apríl er alltaf Valborgsmässoafton hér með brennu og tilheyrandi og miklu fylleríi á unglingunum, en núna er að byrja að rigna svo það er mjög vinsælt fyrir foreldra, þá blotna unglingarnir meira að utan þvi þau nenna varla að vera úti.
Á ekki fyrrverandi forseti Islands afmæli þá? Sko Vigdís? Ég var nefnilega spurð að því hér um daginn...hef ég rétt fyrir mér?

Ég er búin að fá draumaíbúðina mína, hann/hún tók mínu tilboði svo ég flyt eftir fjóra mánuði ca.
Annars ætlaði ég að fá hjálp hjá Rakel Ernu litlu frænku til að flytja en það tókst ekki, svo ég fer bara með hana út að hjóla og hjóla endalaust, hún er búin að lofa að þjálfa sig á hverjum degi, hjóla upp að Bjargi á hverjum degi og ef hún nennir því ekki einn daginn þá syndir hún í staðin, ekki upp að Bjargi reyndar, en í stóru fínu sundlauginni.

Svo þetta með hann Skarphéðinn, litla bróður.....hann er bara ekki lengur svo lítill, ætlar að verða 50 ára 7. maí, sko mér finnst þetta ábyrgðaleysi að vera svona gamall, ekki er ég svona gömul eða?
Veit hann af þessu drengurinn?
Ætlar hann að gera eins og mamma gerði forðum sennilega þegar hún varð 50 ára, vera að heiman.......sem þýðir, slökkva öll ljósin og sitja inni í stofu......en þá má sjónvarpið ekki vera á. Mamma ætlaði sko að heiman en eins og venjulega þegar hún var búin að plana einhverja ferð þá varð vitlaust veður og það varð þannig þennan fræga dag í febrúar, svo þá virkaði myrkrið ágætlega ha, ha.

Evrovision

2005-04-25T20:20:00.000+02:00

Bráðum er stóri dagurinn eða laugardagskvöldið þegar allir taka sér sæti fyrir framam skjáin með popp, pizzu og kók eða eitthvað annað gott....21 maí.
Akkúrat núna er verið að kynna fyrstu 9 lögin sem taka þátt og það er heill sjónvarpsþáttur (klukkutími) með dómurum frá öllum norðurlöndunum og það er Eriríkur Haukson fyrir Islands hönd (var líka í fyrra) svo er ég bara að hlusta og skrifa áðan þá komu smábitar úr öllum íslensku lögunum sem hafa tekið þátt, gaman að sjá þetta og heyra, en að sjá klæðnaðinn svona mörgum árum á eftir ha, ha, ha. Sniðugt.

Í dag fann ég drauma íbúðina mína á drauma staðnum í bænum, 8 mín gangur frá skólanum sem ég vinn í. Þar eru 3 stórar blokkir með 4 stigagöngum hver og þessi var í fyrsta húsinu á 4 hæð af 6, frábært útsýni yfir allan bæinn (flott á gamlárs) og út á vatnið þar sem allir bátarnir og skúturnar sigla og svo fluttningaskipin frá Gautaborg. Þetta er svona Bústadsréttur, þar sem ég kaupi hluta í íbúðinni fyrir visst verð og borga svo leigu, kaupverð fer eftir eftirspurn hverju sinni og núna er eftirspurn svo hún gæti hækkað, en fer eftir hver býður hæðst. Þær hafa verið að fara á þetta 40-50 þú sænskar fer eftir ástandi. Þetta er tveggja herb íbúð 63,5 kvadratmetri, alveg perfekt fyrir mig eina. Eldhúsið og svefnherb, er út að skóginum og stofan hefur sól allan eftirmiðdaginn, stórar svalir með svona skýli sem maður vefur niður. Æðislega flott uppgerð, þarf bara að flytja inn, allt er uppgert, þarf sennilega bara að betrekkja svefnherbergið og meira að segja litirnir passa mér. Svo núna er bara að bjóða og reyna að fá. Ég er held ég tilbúin að bjóða upp í 60 þús ef einhver samkeppni er, en það er ekki búið að auglýsa hana og þau ætla ekki að gera það en það þarf ekki með þessar íbúðir, þær seljast af afspurn.....svo það gildir að hafa budduna í lagi......En þau bara vita ekki alveg hvenær þau geta flutt því þau gera upp raðhús, svo ég er í svona bið......bara að vona.

Ég prófaði í fyrsta sinn í dag að labba með göngustafi, æðislegt, Jenny þetta væri fyrir þig. Bindur bara Emil við mittið á þér. Konan í næsta stigagangi lánaði mér og við fórum á svona gönguleið í skóginum sem er 5,5 km og tók okkur 45 mín. Mjög gott fyrir bakið, maður notar alla vöðva, fyrir axlir hrygg og auðvitað hina alla líka.

Vorið er komið og grundirnar gróa!!

2005-04-18T18:27:00.000+02:00

Nei, þetta gengur ekki lengur þetta bloggleysi, bara ekkert að ske. Nokkrar hræður sem reyna að halda í þessu lífinu og við stöndum okkur ekki...svo áfram með BLOGGIÐ.

'Eg ætla að gera tilraun og skrifa smá. Heiðrún sagði að ég gæti skrifað um ferðina mína til Islands, engum finnst gaman að lesa það???? Ég bara var þar, borðaði, svaf og heimsótti mitt fólk og lenti svo í fermingarveislu að auki, það var sko aldeilis skemmtilegt, hitti þá ennþá fleira fólk af minni ætt en ég hefði gert annars. Veðrið var líka svo frábært allan tíman. Páskahretið lét sig samt ekki vanta en bara fattaði ekki að páskunum var flýtt um nokkrar vikur, svo þetta var í góðum málum.

Ég var að borða alveg æðislega góðan mat núna og er svo södd og sæl. Fiskibíllin var í bænum og hann átti ýsu, sem var meira að segja glæný, svo ég sauð mér kartöflur og ýsufisk og borðaði með smjöri stöppuðu saman við...ummmmmm besti matur í heima. Algjört æði.

Ég verð nú að segja eins og Heiðrún að mér hálf leiðsit svona eftir að hafa verið í svona góðu yfirlæti á Islandi, en mér líður miklu betur eftir að ég flutti frá Pelle svo ég er alls ekki meira einmanna núna en þá, þá þurfti ég alltaf að hugsa um að hann var einhversstaðar að klappa bátnum eða í gufunni með hinum köllunum (veit ekki hvort hann klappaði þeim) og svo ef honum þóknaðist að vera heima var hundleiðinlegt, hann sat yfir sínum íþróttum í hinu herberginu og hraut og ég í stofunni...núna get ég bara gert það sem mér sýnist og hvenær sem mér sýnist. Ég þarf að fara að byrja að hekla aftur, svona dúka og aftur dúka...Heiðrún kemurðu í saumaklúbb? Nú eða samanhangandi pottaleppa. Nei núna er vorið að koma og þá er ég úti að hjóla eins mikið og ég get og labba og labba og kaupi mjúkan ís við Picasso sem er sá besti í heimi, en í gær var svo löng biðröð út á götu að ég bara settist á klöpp og horfði á sólina og alla kallana á sínum flottu mótórhjólum, brumma framhjá. Maður bara sér þá ekki fyrir hjálmi og svona glerrúðu fyrir andlitinu, svo öll vit fyllist ekki af flugum.
Ég fékk ráð hjá Regínu að fara inná einkamál og spjalla við kalla, en ég er ekki farin ennþá....hef ekki alveg áhuga ennþá, nýt þess að vera svona ein.

Þetta með Stefaníu og alla hennar vinnu er bara að ganga út í öfgar...hún hefur bara engan tíma orðið stelpan sú að sinna allri fjölskyldunni lengur. Hver getur leyst hana af? Sko við að sinna okkur öllum?
Ég fór til Gautaborgar síðustu helgi að heimsækja Víðir bróðir og það var mjög svo notalegt, við skruppum á svona markað og hefði verið heitara í veðri og sól hefði maður getað haldið að maður hafi verið í einhverju suðrænu landi....ekki mikið að svíum nema til að forvitnast, þarna var sellt allt milli himins og jarðar og að mestu sem seljendur hafa stolið, svo fólk sem verður fyrir því að húsin þeirra eru rænd á meðan þau eru í sumarfríi geta bara farið þangað og séð allt sitt dót og ef þau ætla að taka það verða hnífaslagsmál og læti....en þetta var gaman að sjá þennan markað.

Læt þetta duga að sinni og hana nú.....

Sumarfrí um miðjan vetur

2005-03-13T18:30:00.000+01:00

Jæja, núna eru bara nokkrir dagar eftir þar til ég fer heim, ég meina til Islands, en þá segi ég nú alltaf heim, af hverju gerir maður það? Það eru 12 ár síðan ég flutti, en ennþá segir maður "heim" Hvar á ég eiginlega heima? Þetta er furðuveröld þegar maður flytur landshorna á milli og veit ekki einu sinni hvar maður býr??
Hér kom bara allt í einu vetur eftir þetta fína vorveður i fleiri vikur (á vitlausum tíma), tók upp á því að snjóa og allt í kaos i Sverige á vegunum, mikið um slys og sérstaklega milli fluttningabíla og smábíla, fólk keyrir eins og hraðamerkingar segja þrátt fyrir hellings snjó.

Núna er söngvakeppnin búin hér í svíaríki, ég var ekki alveg sátt við lagið, það var svosem ekta Euvrovision lag og gott og sætur strákur sem flutti það. Markus Stenmark. Ég vildi að lagið sem var í öðru sæti hafi unnið, en svona er þetta allir geta ekki fengið sitt fram. Svo er að bíða fram í maí eftir öllum hinum lögunum.

Sagan um bláu bollurnar var þannig: Þegar ég bjó í sveitasælunni var ekki alltaf hægt að skreppa út í búð til að kaupa tilbúið kjötfars, svo ég þessi dugnaðar búkona á þeim tíma (það er annað núna) þurfti að malla þetta allt sjálf og kunni ekki mikið, en gerði heiðarlegar tilraunir. Það var til svo mikið kjöt á bænum, oft af heimaslátruðu og það var bara að hakka þetta kjöt sérstaklega ef það var af fullorðnu, ég átti þessa fínu Kitceneith (stafsetning ekki alveg kanski rétt) hrærivél og hakkavél til svo það varð að nota þessa tækni, svo ég hakkaði allt kjöt og svo þurfti ég að gera kjötfars og hræra út í hakkið allt mögulegt, hveiti, mjólk, kartöflumjöl og fleira og hræra í fleiri mínútur eða þar til vélin varð ofsa heit.......nú og úr þessu varð nokkurskonar kjötfars sem varð úr að ég sauð í bollur og liturinn varð ekki alveg eins og úr búðarkjötfarsi, svo Jenny fannst þetta bera "bláar" bollur, þannig kom þetta nafn til, en þær voru aldrei bláar úr búðarkjötfarsi, þá voru þær fallega bleikar ha, ha. Þá vitið þið það, þetta er komið til úr sveitasælunni.

Nei, núna verður bið á næsta bloggi gæti ég trúað því ég er að fara í sumarfrí til Islands svo við sjáum nú til hvern ég hitti og hvern ekki....en eitt er víst að ég hlakka mikið til að sjá ykkur og alla hina.

Bláar bollur

2005-03-06T17:10:00.000+01:00

Það hefur verið dálítil umræða á blogginu um "Bláar bollur"
Veit einhver af hverju bláu bollurnar fengu þeta nafn?
Ég veit....en þið?

Loksins er ég búin að finna gardínur fyrir stofuna hjá mér og það er sko svæsin litur, bara ágætt hjá mér, enginn vildi hjálpa mér með tillögur eða þannig svo ég fékk alveg að gera þetta ein.
Einnig keypti ég flotta baðmottu í svæsnum lit og nokkur handklæði í stíl.

Það er búið að vera alveg stórkostlegt veður alla vikunna og núna um helgina, var reyndar kallt í vikunni, einn morguninn var 20 stiga frost og svo glampandi sól alla daga, en dálítið kallt til að sitja á svölunum en þvotturinn þornaði þar.

Ég er svo hugmyndasnauð að skrifa núna svo ég set bara pungt.

Ég er að baka...hugsið ykkur!!

2005-02-26T16:11:00.000+01:00

Eins og þið vitið þá vinn ég í skóla og hef aðsetur í unglingaskólanum, mitt í öllu stökinu.
Mér er oft hugsað til þess hvað það er þægilegt að vera ekki unglingaforeldri núna. Og þótt ég hafi ekki yfir neinu að kvarta frá þeim tíma (ef ég man rétt að segja) þá vildi ég ekki vera í foreldranna sporum í dag. Við höfum 3 elstu árgangana og það eru 4 bekkir af hverjum árgang og stórir bekkir sem er þetta frá 22-32 krakkar í hverjum bekk. Sem sagt 335 krakkar og allir eins, nei sko ekki fræðilegur möguleiki.
Við höfum pönkara sem klæða sig í pönkaraföt, með keðjum og nítum og fleira, en það eru ekki nein vandræðabörn, langt í frá, svona bara við fyrstu kynni heldur maður það út af klæðnaðinum, nei þetta eru hin mestu ljós, bara strákar þetta árið og það stórir strákar, ganga um með hettu á hausnum og ef engin er hettan þá er harið greitt beint upp í loft með allavega litum, svo það þarf tíma á morgnana til að koma hárinu í lag, svo þetta væri ekkert fyrir hana Katrínu.
Svo er einn strákur sem setur allan skólan á annan endan, allir kennarar sem eru 35 manns og við skrifstofufólkið sem erum 12 manns, allir eru settir í vinnu með þennan blessaða dreng, sem hótar kennurum og nemendum með að drepa það tekur hálstaki á stelpum sem eru í kringum hann og hann er bara 13 ára. Það er búið að reyna allar mögulegar leiðir til að geta haft drengin í skólanum, hann fær einn kennara sem fylgir honum allan skóladaginn, líka í frímínútum en ekkert virðist vera hægt að gera. Svo eftir páska verður hann fluttur í sérstaka deild í bænum ef hann ekki lagast á þeim vikum.
Svo eru krakkar sem eru í sambandi við eldri fyrrverandi nemendur sem koma á föstudögum og selja dóp, svo maður er eins og lögga á föstudögum til að sjá þegar þetta lið kemur fyrir utan skólan og þá er bara að hringja í löggurnar. Svo er einn eða tveir fyrrverandi nemendur sem voru mjög erfiðir öll skólaárin loksins teknir fyrir að brjótast inn í skóla bæjarins og stela tölvum svo núna loksins þegar hann varð 18 ára var hann handtekinn og hann viðurkenndi. Sá drengur var með bókstafs eitthvað, sem við köllum Damp.
Það er ekki mikið af stelpum sem hafa vesen en samt nokkrar, eins og ein sem klæðist eingöngu í svart og er máluð kringum augun með kolsvörtum blíant og strik niður á kinn og er með ljótan kjaft við fullorðna, en það er ekkert illt í henni, hún er skemmtilegur karakter, á bara eftir að komast yfir viss takmörk í lífinu. Svo eru nokkrar sem eru rosa pæjur og eru mjög merkilegar með sig en eru svo litlar í sér þegar á reynir.
Svo þetta er mikill léttir að mans eigin tími er komin yfir þetta áhyggjuefni sem foreldri.

Jú, ég er að baka tertu fyrir daginn á morgun, sem er svona íslendingadagur, og á að vera knallþórutertur og læti, hefði viljað baka kleinur en á enga hrærivél og lítið borðpláss til að hnoða og skera út, svo þetta varð gulrótarterta sem er keypt í pakka, og ég þarf bara að bæta út í vatni og smjörlíki og meira að segja kremið er í poka líka, en ég ætla að drýgja það út með Piladelfiaost og rifnu hýði af lime....þá kanski kemur ekki pakkabragð af þessu. En allir íslendingar finna örugglega pakkabragðið gæti ég trúað...eða hvað haldið þið?

Úti er glampandi sól og fínt svo ég sé ekki hvað ég skrifa því sólin er akkúrat á skerminn en ég bara get ekki hugsað mér að setja niður rimlagardínurnar, get ekki bara lokað á sólina.

Sól og rigningardagur, sem er laugardagur í þetta sinn

2005-02-19T15:21:00.000+01:00

Ég veit eiginlega ekki hvað ég á að skrifa um. Var að koma inn frá klukkutíma göngutúr í góðu veðri, það kom sól í smá tíma en svo er að byrja að rigna aftur. Ég kom við í nammi búðinni, sem selur 300 sortir af nammi, svo ég ákváð að hafa þetta laugardagsnammidag, er búin að vera svo dugleg að labba á hverjum degi svo mér finnst ég eiga þetta skilið, samt ógeðslegt.....eftir á.

Í gær átti minnsta frænka eins árs afmæli, hún Hafdís Maria á Laugarbakka, til hamingju með það, þau sem taka að sér hamingjuóskir. Hún átti nú á fæðast á mínum afmælisdegi stelpan sú, en vildi eiga eigin dag, gott hjá henni.

Núna er ég búin að kaupa farmiða heim til Islands um páskana, á alveg dásamlegt frændfólk hér í bæ sem bara kröfðust þess að ég færi heim í nokkra daga, fanst ég verulega þurfa á því að halda, eftir allt sem hefur gengið á hjá mér í mínu lífi síðustu mánuði og til að geta krafist þessa var ég beðin að koma í heimsókn til að taka á móti peningaupphæð sem var fyrir flugmiðanum. Það gekk ekki að afþakka þetta boð og ég má borga það í himnum þegar við hittumst þar. Þá verða þetta englapeningar. Þetta var erfiðara en ég hefði getað trúað, að taka við svona peningagjöf í beinhörðum peningum, en ég mun njóta þess til fullnustu að geta komið heim og hitt mína fjölskyldu í nokkra daga og kanski fengið lambakjöt í matinn, venjulegt alvöru lambakjöt og kleinur, flatkökur og snúða. Þess vegna er betra að éta gotterí til að teigja út magan svo þetta verið ekki sjokk þá ha, ha, ha.

Næsta sunnudag 27 feb. er ég ásamt helling af íslendingum boðin í kaffi til ísl, konu sem heitir Beta í Karlstad eða hún býr fyrir utan Karlstad út í sveit, svo hún hellir á könnuna og við komum með kaffibrauð og hnallþórur með okkur svo þetta verður kaffihlaðborð að íslendinga hætti kl þrjú. Það verður spennandi að hittast, en mörg af okkur hafa hittst áður og bakað laufabrauð saman, en það eru nokkur ár síðan. Beta og maðurinn hennar sem er sænskur læknir fluttu eitt ár til Íslands fyrir ca 2-3 árum, hann var þá læknir í Keflavík. Hasse minnir mig að hann heiti.
Svo þá eftir þann sunnudag hef ég kanski frá einhverju skemmtilegu að segja og læt þetta því duga núna.

Nýtt og betra líf !!!

2005-01-30T18:05:00.000+01:00

Þá er ég búin að skilja eina ferðina enn, sumir halda að þetta sé eitthvað sem gegnur í ættinni og það getur svo sem vel verið, en það eru margar ættir sem þetta gengur í líka, við erum ekki þau einu. Ég vil meina að ég velji alltaf mann sem er ekki mér samboðin, eða bara vel vitlausa týpu...eins og t.d. "piparsvein" sem er algjörlega ómögulegt að breyta til daglegs lífs með konu. Piparsveinn hefur í fleiri ár átt sitt líf, byggt upp líf með stórum dýrum leikföngum, eins og seglbát, mótórhjól, GPS og svo helling af karlmönnum sem hann umgengst með og það virðist vera það nauðsynlegasta að hitta þá þegar hann kemur heim eftir einnar viku útilegu. Konan er bara þarna heima og tekur til og þvær þvottinn og kaupir í matinn og borgar reikninga og er sár þegar maðurinn bara hverfur í gufubaðið um leið og hann kemur heim.

Fyrstu árin hlakkaði ég til að hann kom heim á föstudögum, en smátt og smátt dalaði það og á endanum varð það kvíði. Svo varð hann allt í einu atvinnulaus og var heima alla daga, ekki til að taka til, ekki til að þvo þvottinn eða kaupa í matinn.....heldur halda áfram að fara í gufuna með hinum körlunum, plana flottan kvöldverð með þeim í annari gufu og baða í ískaldri á á eftir, það var nauðsynlegt, einnig plana rútuferð til Þýskalands til að kaupa brennivín og bjór, sitja í rútu í heilan sólarhring til að græða nokkrar krónur á hverri bjórdós, verða íllt í bakinu fyrir þetta, það finnst mér ekki þéna neinum tilgangi. Hvað á maður að gera í svona sambandi???
'Eg bara gafst upp á endanum og hefði átt að gera það miklu fyrr...og það versta við allt var ég ekki metinn neins virðist vera, því þá voru það peningarnir sem skiptu öllu máli, hvað hann myndi tapa miklu á þessu, nú auðvitað heil mánaðarlaun hverfa......en ykkur að segja, hann kemur út með stóran plús á þessum skilnaði. Núna rukkar hann mig bara um rafmagn sem er upp á 30 þús ísl kr, honum finnst auðvitað að ég eigi að borga það (heildarupphæðin var 60 þús fyrir tvo mán) og ég eins og ég er gæðin uppmáluð borga og þegi, því ég átti nú heima þarna líka þessa tvo mánuði en hann kemur örugglega með fleiri reikninga fyrir 15 daga í janúar, trúið mér.
Annars er mér ekkert illa við hann og þess vegna vil ég ekki krefjast þess sem mér ber, því þá hefði hann verið nauðbeygður að selja sinn elskulega bát og borga mér helminginn, það hefði farið með hann á sál og líkama, og leynireikningarnir í bankanum hefðu komið fram í dagsljósið.

Nóg um það......núna líður mér eins og prinsessu, bara fátækari, en peningar eru ekki allt.
Ég hef þriggja herb íbúð á leigu á annari hæð í blokk og það er meira að segja útsýni og hvergi blokk sem maður horfir inn í á móti, friðsælt hverfi í útjaðri bæjarins, 10 mín gangur í miðbæinn, aðeins lengra í vinnunna núna en í góðu lagi, maður þarf að hreyfa sig, svo bíllinn fær að standa þegar fer að vora og hjólið fær sitt pass og fæturnir mínir líka, bara gott mál.
Á þessum tveim vikum sem ég hef búið hérna hef ég fengið svo margar heimsóknir, að svona marga hef ég ekki fengið í heimsókn á þessu eina ári sem ég bjó í húsinu.

Það er orðið dálítið minna um blogg orðið undanfarið, þetta var fyrst allt of mikið en núna saknar maður þessa, ég hef nú ekki haft tíma til að skrifa undanfarið, allur tími farið í fluttning og reddningar. Svo margt sem þarf að huga að við fluttning, allt þarf að skaffa sér nýtt eins og síma, breiðband og tryggingar og fleira....meira að segja eru þeir búnir að finna mig til að borga fast afnotagjald af sjónvarpinu, ég var ekki búin að vera hér nema 2 daga þegar var hringt og ég auðvitað get ekki logið að ég hafi ekki sjónvarp þegar það stendur beint fyrir framan mig ha. ha.

'A morgun, mánudag, byrja þeir sem eiga húsið að betrekkja bæði svefnherbergin og stofuna svo þá þarf ég að tæma það mesta út úr herbergjunum eða safna dótinu á mitt gólfið...jú, betrekkja, það er aldrei málað í Sverige, bara betrekt, en ég valdi hlutlausa liti allt í ljósu, ef ég t.d. vildi hafa einn vegg eða eitt herbergi einhvernvegin dökkt þá þyrfti ég að betrekkja yfir það þegar ég flyt með ljósu betreki, enda er best að hafa þetta hlutlaust og kaupa sér bara púða, gardínur og dúka í lit.

En klósettburstinn er hvítur með ljósblátt efst á skaptinu og burstinn sjálfur blár, og er úr IKEA og kostaði bara 9 kr, hefur lækkað um 10 kr (sko í sænskum kr), svo maður getur bara keypt marga og hent þeim þegar maður hefur notað þá í nokkra mánuði.....þá vitið þið það.

Jæja best að hætta þessu núna, er orðið allt of langt....heyrumst.

2 janúar og líka......sunnudagur

2005-01-02T13:57:00.000+01:00

Gleðilegt nýtt ár til ykkar allra og þakka ykkur fyrir skemmtilegt Blogg ár.
Einnig allt annað á liðnu ári.
Maður er bara algjörlega í lamasessi út af þessum hræðilegu hamförum í Asiu að ég bara get ekki gert neitt nema setið og horft á sjónvarpið og hlustað á útvarpið. Hef reynt að lesa, því að eru nú jól og áramót og maður vill bara vera í leti, en ég get ekki fest hugan við bókina fullkomlega vegna þessa hörmulegu atburða. (Kanski bókin léleg?)
Gamlárskvöldið hjá mér var ósköp venjulegt kvöld má segja, við steiktum nautalund og gerðum kartöflugrateing og svo sallat og helling með og buðum Lasse í mat með okkur og drukkum rauðvín með auðvitað, þetta var mjög gott, nú svo settumst við framan við sjónvarpið þar sem dagskráin var ekki eftir venjulegu sniði út af hamförunum, en kvöldið gekk og þegar upp úr kl tíu byrjuðu allir nágrannar að skjóta upp rakettum og ég verð að segja það að ég hef aldrei séð svona mikið af flugledum á gamlárkvöldi í Sverige (fyrir utan um aldamótin) og fannst það skrítið því fólk talaði um það dagana á undan að leggja peninginn sem færi annars í flugelda í Rauðakross söfnunina, sem stærri hlutinn af sænsku bæjarfélögunum gerði, en fólk hefur bara kaypt rakettur líka, vill ekki missa af þessari sjón.

Núna er ég búin á mínum fyrsta pensilínkúr á æfinni og það voru ekki þægilegir 10 dagar, mikið á þessum ágæta stað í húsinu og mikið um hausverk og svo talaði maginn endalaust, ég hálf skammaðist mín á meðal fólks því maginn sítalaði, en ég var ekki mikið innan um fólk heldur og ekki margir í vinnunni heldur, svo þetta gekk bara vel, og vísifingurinn minn er alveg eðlilegur núna og ég NAGA ekki neglurnar lengur....dugleg kona.

Á morgun er svo bara venjulegur vinnudagur en rauður dagur á fimmtudag og ég tek frí á föstudag, svo ég vinn bara 3 daga þessa viku...svo eru þessir frídagar búnir um langt tímabil.
Svíar eru búnir að breita dagatalinu....sko svíar hafa aldrei haldið uppá þjóðhátíardaginn sem er 6 júní og núna í ár er búið að gera hann að rauðum degi, en þá taka þeir burtu annan í hvítasunnu í staðinn...þetta er svo óréttlátt sem frekar getur verið, þá áttu þeir auðvitað að taka burtu eins frídag sem færir sig alltaf, eins og t.d. þrettándinn núna á fimmtudag....því hvítasunnuhelgin er svo vinsæl helgi fyrir fólk sem á sumarhús, garða og tala nú ekki um báta og nýtir þessa helgi til þessara áhugamála og annað fólk tekur sér oft bíltúr niður til Danmerkur og Þýskalands þessa helgi....mikið óréttlæti finnst mér.

Ætli Göran Persson viti af þessu?

Í dag er sænskur stormur...ef ég kíki út um gluggan og á trjátoppana sveigjast þeir bara þó nokkuð mikið til allra átta, svo núna má búast við trjám sem fjúka upp með rótum yfir vegi, það gersit alltaf í svona sænskum stormi. en það er algjörlega snjólsuat og 5-8 stiga hiti alla daga, furðuleg áramót, í fyrra var mikill snjór og Koli gerið snjóhús eða göng hér fyrir utan, með minni aðstoð. Ok hafið það næs.

Annar í jólum...og það sunnudagur...

2004-12-26T13:25:00.000+01:00

Gleðilega rest öllsömul!
Þá er þessi stutta jólahelgi að verða búin. Þetta líður svo fljótt, enda bara 3 dagar.
Hjá okkur byrjuðu jólin um kl þrjú, en þá fórum við og borðuðum hjá Kalle og Carinu og Víðir var með líka, kom á fimmtudagskvöldinu. Nú hér er ekki bara ein sort af mat á aðfangadag, það er allur matur ársins á einu borði, má næstum segja. Það eru alla vega sortir af síld, kaldur lax og margar sortir af ólíkum fiski "Strömming" inlagður og útlagður eða þannig.....nú svo er skinkan sem er köld líka og allir svíar smyrja með sinnepi, svo eru svona stuttar pulsur (prinskorv) og þessar venjulegu litlu kjötbollur, pastei bökuð og bara nefna það, allt er á jólahlaðborðinu, svo þetta verður alltaf of mikill matur, allt er gott og þegar maður kemur svangur vill maður smakka af öllu og étur svo of mikið og það verða slagsmál i maganum og hann stendur út í allar áttir, norður, suður, vestur og austur og ég veit ekki hvað. Svo er étin þessi kalda skinka öll jólin á brauð með sinnepi og afgangurinn af þessu öllu.....þá er nú betra með íslenska jólamatinn, bara ein sort í einu. En þar sem við vorum í minni hluta þá var bara að hafa sænsk jól.

Í gær sátum við bara hér og borðuðum morgunverð þegar maður drattasðist á fætur og svo var smá íslendk jól, ég steikti skinkuna í ofni og gerði sinnepssósu með og við borðuðum heita með kartöflum og rauðkáli, það var svo gott. Ekkert gert nema horft á snjóin kyngja niður og það ekkert smá mikið en allt í góðu, sem þýðir að það snjóaði í logni...beint niður.
Í dag á að hafa lútfisk og uppstú. Víðir er farin til Gautaborgar aftur, betra að keyra í birtunni, svo hann missir af lútfisknum, en Lasse og pabbi þeirra koma í mat líka.

Nú á morgun er bara venjulegur vinnudagur aftur, ég ætla að vinna 4 daga og vera í fríi á fimmtudag. Pelle fer til Stokkhólms að vinna þessa daga, svo það er bara ágætt, gott að vera bara ein heima og ekki borða nema þegar ég er svöng.

Ég þurfti að fara í smá uppskurð síðasta miðvikudag, fékk enga smá ígerð í vísifingur hægri handar, sennilega hef ég slitið af naglaböndin, en ég hef nagað neglur eins og sælgæti undanfarið og þá verða naglaböndin líka fyrir barðinu, svo skólahjúkkan sendi mig upp á spítala til að láta athuga þetta þegar ekkert sem hún gerði gaf neina hjálp, svo þá var ég bara sprautuð með deyfingu og svo skorið og svo þarf ég að éta pensilín (antibiotika) í tíu daga og er það í fyrsta skipti á æfinni sem ég tek þessi lyf og svo sit ég á góðum stað í húsinu mjög oft, svo sennilega væri best fyrir mig að setja inn nokkur kellingablöð til að lesa þar, annars gegnur þetta svo fljótt fyrir sig svo ég þarf ekki að vera inni þar lengi ha, ha, ha. Góð megrun í jólamatarönninni:-)
En fingurinn er að verða venjulegur aftur í útliti og stærð.

Læt þetta nægja í þetta sinn , kanski skrifa ég í vikunni, hver veit.
Hafið það gott

Frímerki

2004-12-07T19:17:00.000+01:00

Mér finnst þetta vera svo furðulegt, ég er búin að vera til í rúm 50 ár og það er ennþá sama ógeðslega bragðið af frímerkjunum, sko þegar maður sleikir þau að aftan og setur þau svo á bréf eða kort. Þetta vonda bragð er í munninum í fleiri tíma á eftir, þótt ég fái mér kaffi, sem ég geri ekki núna......hvaða ráð er til að þetta sé ekki svona vont? Getur engin fundið upp t.d. kókósbragð eða jarðaberjabragð á þau eða eitthvað álíka? Setið í gang....

Sko þegar ég vann á póstinum voru til svona svamppúðar sem maður bleytti og ýtti frímerkjunum á svo maður slapp við að sleikja þau (samt var maður á launum), ég á ekkert svona, nema svampbút sem ég hreinsa með af andlitið á mér og ekki vil ég nota hann því þá verður andlitið á mér klístrað og vont bragð af mér:-) ekki svo að skilja að einhver fari að sleikja á mér andlitið, bara tilhugsuninn.

Þetta er allt jólunum að kenna, en þá vill maður gjarnan senda jólakveðju til vina og ættingja, en af því ég á heima í útlandinu frá ykkar sjónarhorni, þá þarf ég að kaupa svona klístruð frímerki, en ef þið ættuð öll heima í útlandinu hér, þá gæti ég keypt sjálflímandi frímerki, sem er algjör lúxus, en ég sendi engin jólakort hér í útlandinu, búin að leggja það niður. Og endilega þegar fólk er að mestu hætt að senda jólakort innanlands þá er hægt að finna upp svona sjállímandi frímerki....tilhvers? Af hverju er bara ekki hægt að hafa þetta ógeðslega bragð áfram úr því það er ekki sett á öll frímerki?
Hvað gera safnarar við svona frímerki? Eru þau eins mikils virði og þessi gömlu?
Annars eru svíar farnir að gera fleiri frímerki með alla vega fallegum myndum, ekki bara kónginum og drottningunni...en þið fáið frímerki með fuglum, en þessir fuglar eru sennilega ekki hættulegir, því þetta eru ekki farfuglar sem eiga heima í Thailandi og bera sjúkdóma, svo þið þurfið ekki að vera hrædd þegar þið fáið frímerkið.....góða skemmtun.

Gudrun Shyman er hætt í flokknum.....

SPA helgin

2004-12-04T16:46:00.000+01:00

Jæja gott fólk....
Þetta fer að komast í gang aftur eftir þessa sorgardaga, en eins og Jenny segir, lífið heldur áfram.

Núna ætla ég að segja ykkur frá SPA helginni minni. Sko ég hélt ég ætti aldrei eftir að upplifa svona lúxus, en þegar ég varð fimmtug fékk ég gjafakort á Selma Lagerlöf hotel í Sunne sem er í Värmland. Þetta er rosalega stórt og flott hótel og sennilega ekki fyrir venjulegt fólk, þótt það hafi bara verið venjulegt fólk þarna, meira að segja fleiri hjón með börn frá fæðingaaldri og til ca 5-6 ára. Sko ég meina venjulegt fólk sem hefur venjulegar tekjur, því þetta er dýrt hótel. Bara eins manns herbergi (samt voru tvö rúm í mínu) kostar í sænskum krónum sinnum 10... 1995 kr, en þá er líka allt innifalið, sem er flottur kvöldverður þríréttaður, ekkert smá morgunverðarhlaðborð og svo hádegishlaðborð sem er það flottasta sem ég hef séð, svo fær maður að taka sér ávexti og djús allan daginn og kaffi/te, svo er margt innifalið líka eins og vatnaleikfimi, leikfimi og margt fleira.

Svo keypti ég mér meðferð sem heitir energíkúr og tekur 110 mín, kostar 1095.
Hún byrjar fyrst á að setja á mig skrúbb (svona krem með kornum í) og nuddar þessu um allan líkaman og það tvisvar, svo sturta ég það af mér, svo pakkar hún mér inn en fyrst makar hún á mig kremi sem er gert úr þara og eitthvað annað sem á að "balansera" kroppinn, og pakkað inn í hitapoka og settur ljósalampi yfir með einhverjum bláum geislum, nú svo er ég sett í nuddbað á eftir sem nuddar allan líkaman og einhverjar olíur hellt í vatnið, svo þegar það er búið er ég nudduð um fætur og tær og svo er gerð andlitsmeðferð líka og svo er hársvörðurinn nuddaður. Sko ég er næstum sveitt ennþá (þetta var i gær), þetta var ekkert smá notalegt og ég er bara algjörlega ný manneskja. Nú eftir morgunverð fór ég og synti heillengi fór í heita nuddpottinn og svo í vatnaleikfimi og aftur í nuddpottinn og gufu, þá var komin næstum hádegismatur og svo að fara heim. Þetta þyrftu allir að fá að njóta einu sinni á æfinni sko.
Iris....flyttu til Sunne og farðu að vinna þarna, sko þetta væri vinnustaður fyrir þig. Heyrimáttar.
Þá vitið þið það.

Laugardagur svona til tilbreytingar

2004-11-06T13:40:00.000+01:00

Jæja, gott fólk, núna ætla ég að blogga á laugardegi þótt að sólin skíni sínu fegursta úti, og glampandi logn, alveg æðislegur dagur og ég verið á kafi í klósettunum, sko þrífa og það að hafa tvö, þá verður það tvöfalt meira en hjá venjulegu fólki, en það er gott að hafa tvö klósett þótt við séum bara tvö í heimili, það nefnilega er stundum óbærileg lykt á öðru þeirra þá er bara að skella sér á hitt:)

Mér finnst ég voða einmanna núna, allir í fasta svefni eftir hálfrar aldar afmælið á Luagarbakka í Húnaþingi og ef ekki sofandi þá með helling af timburvinnuverkamönnum í vinnu;( Sko núna öfunda ég ykkur ekki, en var smá öfundsjúk í gærkveldi þegar ég bara sat hér með sofandi hrjótandi kall, yfir sjónvarpinu, samt var ágætur þáttur að horfa á, sænsk sakamálamynd sem var spennandi og annar hluti í kvöld, svo þá hef ég eitthvað til að hlakka til með sofandi hrjótandi kall í sófanum, að ég bara get horft á endirinn, vonandi bara endar þetta vel.

Þetta var sniðugt uppátæki hjá Jenny að koma á svona samkeppni í neyðarlegum sögum, þú mátt alveg halda áfram á sömu braut bara annað efni. Gaman að þessu.

'Ur því allir eru sofandi eða slappir og ég hef engan að tala við akkúrat núna, þá fer ég bara út að labba í sólina og góða veðrið....það er gott ráð til að láta kílóin minnka, núna hef ég labbað á hverjum degi í vinnunna í næstum tvær vikur, ja eða hjólað og hef misst 1 kg, bara sí svona....:)
Svo ég ætla að halda áfram með það, ekkert í bensín.....sparnaður líka í þokkabót.

Hvað á ég að gera með peningana sem ég spara í bensín? Komið með tillögur!!!!!

Nú ég er búin að panta þessa lúxushelgi á SPA hótelinu í Sunne og fer bara alein þann 3-4 des, það verður tillhlökkun...sko svo má ég horfa á kallana á barnum, segir Jenny og Stefanía og líka lesa matseðilinn og ekki borða en ég er búin að borga matinn svo ég borða samt, þetta verður feit helgi, innifalið í verðinu á herberginu er tvíréttaður kvöldverður, morgunsloppur og töfflur, morgunverðarhlaðborð og það sko ekkert slor, hádegisverðahlaðborð, hvernig sem ég á að geta komið því niður eftir allan morgunverðinn, en ég bara vakna snemma, fer svo út að skokka, fer í vatnaleikfimi í sundlauginni og svo gufu þá kem ég hádegismatnum niður....eða hvað haldið þið?
Nú svo þegar ég kem þangað fæ ég (kaupi mér) svona orkukúr sem tekur 110 mín, segi frá því seinna eftir hvernig mér fannst það.

Nei núna get ég ekki setið inni lengur og fer út....bless, bless

Sunnudagur eins og venjulega...

2004-10-31T19:17:00.000+01:00

Já, ég virðist bara skrifa á sunnudögum, það er sennilega vegna þess að ég vinn á tölvu alla virka daga og nenni ekki að skrifa þegar ég kem heim, svo les ég vel og vandlega yfir bloggin á laugardögum en nenni samt ekki að skrifa, svo kemur sunnudagur og þá virðist sem ég sé farin að sakna að vinna við tölvuna, fæ fráhverfiseinkenni og sest niður til að skrifa. Bara mig vantar eitthvað að skrifa um.....greinarskil

Í dag var ég ekki að tína krækkling, hvað ætlar Regína að gera við 30 kg af kræklingi, mér finnst það vera dularfullt. Í gamla daga tók maður og hreinsaði kræklinginn úr skelinni og henti honum, maður vissi ekki þá hverskonar gull þetta var, þvoði skelina vel og vandlega og svo var þetta sett í dýragarðinn sem í voru leggir, horn og hin ýmsu bein frá bæði kindum og hvölum, bara man ekki hvað skeljarnar voru fyrir dýr...man einhver það?

Það var svo æðislegt veður hér í dag, glaða sólskin og þetta nærri 10 stiga hiti svo það var ekki hægt að vera inni að taka til, svo ég og Hjördis fórum í rúmlega klukkutíma röskan göngutúr aftur en núna í skóginum (og engin rigning) Hjördis er konan hans Hans sem fer með Pelle út að veiða, svo þessir veiðidagar eru okkur svo mikils metnir að við verulega njótum okkar, eg t.d. fór ekki upp úr rúminu fyrr en kl 9,30 og þá var búið að bakka klukkunni svo eiginlega var hún 10,30...sko ef þetta er ekki met hjá henni mér, þá veti ég ekki hvað.....nú svo enduðum við göngutúrinn á kaffihúsi og sátum þar í rúmlega klukkutíma við skemmtilegan félagsskap. ég svaf ekki svona lengi, er að lesa svo hryllilega spennandi bók, um fjölskyldu sem var sett í fangelsi (mamma og 6 börn) og voru það í 20 á mest út í eyðimörkinni, svo ég átti svo erfitt með að slíta mig frá bókinni, fyrr en ég varð bara að gera kaffi.....

Annars er bara ekkert nýtt, mig bara vantar einhvern til að koma með mér á SPA hótel í Sunne eina helgi og fá mér svona rosalega góða meðferð í nuddi og þvílíkum lúx...annars fer ég bara ein, en gjafakortið mitt frá því ég varð 50 ára er ekki hægt að framlengja lengur, búin að gera það tvisvar....svo um áramótin rennur það út, en þetta er ekki það ódýrasta.....en notalegt. Svo ef einhver vill kosta á sig lúxhelgi....þá bara.....

Rigningar..sunnudagur ohoooo

2004-10-24T11:22:00.000+02:00

Það er rigning og ég sem ætlaði sko heldur betur að njóta mín alein heima (Pelle úti að veiða) og fara í langan kröftugan göngutúr, það verður að bíða aðeins, það styttir kanski upp þegar líður á daginn. annars átti þessi rigning að vera í gær og sól í dag, en þetta varð þveröfugt.
Greinarskil Katrín.....
Mig langar að segja ykkur smá góða sögu.....
Fyfir mörgum árum þegar Pelle var að vinna í Oslo keypti hann sér gamalt notað sjónvarp 21 tommu til að hafa í íbúðinni í Olso. Svo þegar Iris flytur hingað fékk hún aukatækið okkar til afnota, svo þegar hann hætti í Oslo kom þetta gamla tæki heim og við höfum notað það síðan svona sem extra....því við horfum ekki alltaf á sama prógram hjónin.
Greinarskil Katrín.....
Nú svo flutti Iris og kom með sjónvarpið svo þá var allt í einu 3 tæki á heimilinu, svo Pelle vildi bara fara með þetta gamla á "Loppis marknað og gefa það" en ég svona sló fram spurningunni í vinnunni hvort einhver vildi gamalt notað sjónvarp í herbegið hjá börnunum t.d. Þa´svarar ein sem ég vinn með, kona á mínum aldri með 3 börn frá 8-17 ára að það væri kanski ekki svo vitlaust að taka þessu tilboði því krakkarnir séu alltaf að kvarta yfir eina gamla sjónvarpinu á heimilinu sem er 16 tommur, með engri fjarstýringu og stundum margir árekstrar um val á prógrammi og þá þarf að kasta upp pening til að velja hvaða stöð á að horfa á. En hún getur aldrei tekið ákvaðranir sjálf, því það þarf alltaf að hafa fjölskyldufund ef eitthvað á að gera og ákveða hluti.
Greinarskil Katrín......
Daginn eftir kemur hún brosandi út að eyrum og segist hafa talað við bóndan (þau eru bændafólk) og hann samþykkt tillöguna, en þetta ætti að koma börnunum á óvart, svo ég fer með sjónvarpið í bílnum daginn eftir og bóndinn kemur í bíl sem næstum ekki hangir saman til að taka tækið og fjarstýringuna og hafa það tilbúið þegar krakkarnir koma úr skólanum.
Greinarskil Katrín......
Nú í gær laugardag var ég niðri í bæ að skoða í búðir og þegar ég kem heim er á númerabirtinum númerið frá bændafólkinu svo ég er alveg viss um að núna hefur þessi stórviðburður hjá fjölskyldunni ekki virkað......svo ég hringi til að athuga og viti menn, það sko virkaði, miðstrákurinn sem er 15 ára varð svo hissa og ánægður þegar hann kom heim að hann bara tók hendinni um hjartað og stynur erfiðlega hálf klökkur......N'YTT SJ'ONVARP....svo þá vildi hún bara hringja til að þakka fyrir þetta enn einu sinni og að það þurfti ekki að standa upp til að skipta um rás, var toppurinn, svo var hægt að sitja öll saman í sófanum og horfa.....sko þetta er eins á fyrstu árum sjónvarpsins ca 1954......Það er hægt að vera ánægður yfir litlu og hana nú.
Greinaskil Katrín.......
Var þetta ekki falleg saga svona í haustmyrkrinu? Maður verður svo ánægður þegar maður veit að maður getur gert einhvern svona ánægðan af litlu og fátæklegu.

Sko Katrín...mér líst ofsalega vel á þetta hjá þér að við gerum greinarskil það er mjög erfitt að lesa þetta í einni rumsu, sérstalkega þegar er litaskjár bakvið textan, Brynju síðu á ég mjög erfitt með að lesa með svona rautt á bakvið og dökkan skjá líka, en það er fallegt samt.

Húsmæðrorlof

2004-10-17T20:06:00.000+02:00

Jæja, best að gefast upp í þessu þunglyndi, það er engin sem hjálpar mér, svo núna hristi ég af mér slenið því flugmiðinn hennar Irisar var tilbaka til Gardemoen í dag en hún kom ekki. Ég sem fór spes ferð til Noregs til að vera á staðnum þegar hún kæmi aftur.
Djók.....ég fór til að fara í húsmæðraorlof til Heiðrúnar. Fór með rútunni sem var alveg full af fólki og það allavega fólki, bæði skrítnu og venjulegu, ég fékk pláss í miðri rútunni nálægt klósettinu og það var svo mikil hlandlykt alla leiðina og konan sem sat fyrir framan var með svo sterkt ilmvatn svo augun mín áttu verulega bágt, enda fauk allur maskari af.
Nú Heiðrún beið mín þegar ég kom og við keyrðum heim til hennar settumst upp í sófa og kjöftuðum og fengum okkur snarl og horfðum á sjónvarpið, sko alveg algjör afslöppun, fórum svo að sofa frekar snemma, seint á minn mælikvaðra, en hvað um það, ég svaf alla nóttina, vaknaði svo að mér sýndist kl 7,30 varð grautfúl yfir þvi, og reyndi að sofna aftur en ákvað svo bara að lesa, sé þá að ég hef litið á klukkuna á hlið eða eitthvað, því klukkan var 9,30 og ég í hininsælu að hafa geta sofið svona lengi, skeður aldrei annars.
Smá útúrdúr: var orðin svo þreytt og yfirsifjuð því ég vaknaði alltaf kl 4 á hverri nóttu og gat ekki sofnað, var farin að gera smá vitleysur í vinnunni af þreytu, sofna næstum í kaffipásunum, svo ég ákvað að gera eitthvað í þessu, en vil ekki taka svefnmeðal, hef aldrei gert það, enda þarf að fara til læknis til að fá svefntöflur, svo ég arka niður í apótek einn daginn eftir vinnu og ætla að kaupa mér svona náttúrumeðal sem heitir Valerina, en sé svo að það er bara til að eiga auðveldara með að sofna, en það er ekki mitt vandamál, svo konan í apótekinu segir mér bara að prófa að taka eina töflu um miðja nótt....svo ég segi sí svona, það kanski dugar bara fyrir mig að kaupa þetta og geri það (70 kr sænskar), nú les svo á pakkan heima en hugsa sem svo, nei þetta vil ég ekki prófa ekki éta einhverjar töflur um miðja nótt, ég sem aldrei borða töflur...síðan hef ég sofið og vaknað við klukkuna korter í sex, svo þetta er frábært svefnmeðal í óopnuðum pakkanum á eldhúsborðinu. Prófið bara....svo þegar dagsetninginn rennur út þarf ég að kaupa meira ha, ha, ha.
Nú eftir morgunverð (er núna í Oslo) sem var líka næstum hádegimatur ákveðum við að labba niður í miðbæ Osloar með Cillu, það tók um hálf tíma svo bara löbbuðum við og löbbuðum um allan miðbæinn í nærri 4 tíma, settumst á útikaffe og fengum okkur kaffi og með því (Heiðrún reyndar kók) tókum svo trikken heim, Cilla var nú ekkert rosalega hrifin af trikken, vildi út í hvert sinn sem einhver fór af.....en hún var frábærlega góð.
Vorum að pæla í að fara í bíó um kvöldið en það voru engar myndir sem voru áhugaverðar, svo við horfðum bara á Hannibal í sjónvarpinu og átum popp. Svo í morgun sýndi hún´mér nýja staðin sem hún kanski flytur til og vinnunna sína og hún skúrar þar einu sinni í viku og gerði það núna og henti mér inn í herbergi sem er með svona rándýrum nuddbekk sem maður bara kveikir á og hann fer í gang, hann var nú mjög sniðugur en Iris er miklu betri, hún finnur þá þegar ég er slæm í rassakinninni eða í herðablaðinu og gefur Tryggerpoint þar, þessi stóll er ekki eins duglegur og hún sko, svo látið ekki plata ykkur að kaupa einhvern rándýran stól, pantið tíma hjá Irisi (með engri kommu), en þetta var ágætt hjá Heiðrúnu að láta mig bara liggja þarna í lok húsmæðraorlofshelgarinnar, nudd svona í restina, enda þá var ég ekkert að finna að þrifunum hjá henni ha, ha, ha. Þetta var svo fínt þarna og þrifalegt. Beint á móti IKEA.
Það var erfitt að sitja 4 klukkutíma í þröngri rútunni heim svo ég er að farast í hnjánum og VANTAR IRIS......til að nudda mig, hún bara fer burtu og þá þarf ég að fara að borga fyrir nudd..ekki sniðugt sko, en þegar ég kem heim næst fær hún að finna fyrir því.
Best að láta þetta flakka svo Rakel geti lesið, hún bíður eftir þessu spennusögu og ætlar að byrja að skrifa kommentar (athugasemd) en bara skrifaðu undir nafni því allir sem skrifa anonymt er fleigt út.....og hana nú. Þetta er orðið allt of langt, en vonandi fæ ég einhver kommando.

Myrkur úti, myrkur inni, myrkur í sinni....

2004-10-06T20:53:00.000+02:00

Þetta lítur nú ekki svona alvarlega út eins og fyrirsögnin, en það er myrkur úti, orðið ansi mikið haust. Í morgun þegar ég fór í vinnunna var kolsvarta myrkur svo það er komin tími á að bakka klukkunni en það eru 4 vikur eftir....en þá verður aðsien ljósara á morgnanna í smá tíma.
Ég var á flandri, þarf að vera á flandri næstu vikur....nei, það var félagsfundur í starfsmannafélaginu með mat og happdrætti og þannig tilheyrandi, svo ég er södd. Britt-Marie fékk happdrættisvinning, valdi bakpoka. Ágætt.
Ég fékk lánaðan lykilinn að íbúðinni sem Iris bjó í til að gá hvort hafi komið einhver póstur þangað til hennar en það var bara auglýsingar, engin lykill að þvottavélinni, svo hún þarf að leita í kössunum og senda hann hingað ef hún finnur hann. 'I búðin var rosalega tóm og ömurleg eitthvað svona án þeirra. Sófinn er seldur, vinnufélagi Pelle keypti hann og hin húsgögnin eru komin á loppis sem við ekki notum......
Við fórum með farangurinn hennar til Varberg svo við keyrðum 700 km þann daginn.
Ég hef ekkert að skrifa um, er bara öfundsjúk út í Borgnesinga.....

Frá og með í dag byrjar það......þunglyndið.

2004-10-02T13:58:00.000+02:00

Þetta er sko ekkert gaman....
'I morgun (laugardag) keyrði ég Irisi á rútuna sem fór til Oslo, núna er hún alfarin í þetta sinn. Bara vonandi að hún komi aftur sem fyrst.
Það er svo skrýtið að þessar tilfinningar hef ég haft nokkrum sinnum áður, sko þegar Iris fór.
Fyrsta sinn þegar hún fór með pabba sínum þá tæplega 6 ára, þá kom svona tómleika tilfinning yfir mig, það var verið að rífa hluta af líkama mínum, hefði ekki verið sárara að rífa af mér handleggin svei mér þá. Annað sinn þegar Jenny fór í fyrsta sinn til USA. Þriðja sinn þegar við förum frá Jenny til Sverige. (Þá vildi hún ekki koma með). Fjórða sinn þegar Bjartur kom í sumar og fór með Kola í lestina, (það var nákvæmlega sama tillfinning og þegar Iris fór tæplega 6 ára) og núna fimmta sinn þegar Iris fór. Heiðrún hefur alltaf verið nær mér.
Hvað er maður að leggja á sig eiginlega? Hvað þolir maður mikið?
En svo er auðvitað annað í þessu að maður getur ekki lifað lífi barna sinna, þau verða að læra að lifa sínu lífi sjálf og þetta hefur eflaust verið sama sagan fyrir mína foreldra þegar ég t.d. flutti 16 ára til Sverige og svo öll hin 5 að heiman, misjafnlega langt þó.
En þið þurfið nú ekki að hafa áhyggjur af mér, ég det ekki í drykkju allavega, gæti aldrei orðið alki því þegar ég er búin að drekka 1-2 glös af rauðvíni með mat þá get ég ekki meira og hef enga lyst á meir og sterkt get ég bara ekki komið niður lengur, svo það er í góðu lagi. En það er annað sem mér finnst mjög slæmt og það er að ég borða meira og það mikið meira þegar ég er niðurdregin, svo það verða eflaust fleiri kíló framundan ha, ha.
En svo getur Iris skipt um skoðun til kl 10 á mánudagsmorgun......og þá snúum við við aftur til Kristinehamn með dótið hennar.....svo enn er von?????
Svo núna er allt í drasli hjá mér og ég að reyna að safna kröftum í að byrja að taka til og þvo...til að drekkja sorginni smá stund. Annars var Anita vinkona að spurja mig hvort ég vilji koma með henni í bíó í kvöld svo ég ætla að gera það.....

Þunglyndisundirbúningur

2004-09-29T22:09:00.000+02:00

Núna eru bara 2 dagar þar til Iris fer frá Kristinehamn og mér. Hún fer á laugardaginn til Oslo og eyðir sunnudeginum með litlu systur, svo fer stóra flugvélin á mánudaginn.
Einnig förum við á mánudaginn með allt dótið hennar í skipið í Varberg, en þangað eru ca 350 kílómetrar, svo maður þarf að vakna fyrr en venjulega til að draga kerruna þangað. Það er einn stór kostur við þessa leið.......daddara...framhjá Ullared, (Gekås) stæðsta og ódýrasta vöruhúsi evrópu, með 63 kössum við útganginn, bara galli við það að Pelle er með, þá er ekkert gaman að fara þangað inn, enda ég nýbúin að vera þar. Það skemmtilegasta við það að ég hef læknast af kaupæðinu alla vega í bili, langar ekkert að fara inn í búðir lengur......
Annars er ég búin að fá smá þunglyndisgjöf fyrirfram frá Heiðrúnu, hún nefnilega fékk rauðvínsflösku frá vinnunni en drekkur ekki rauðvín sjálf svo ég fékk flöskuna, svo á föstudaginn eftir hádegi ætlum við Iris að fara saman til Karlstad, henni vantar nefnilega buxur því hún hefur grenst svo mikið, svo er skemmtilegra að skreppa þangað í staðin fyrir að vera bara hér í bæ.
Hvað finnst ykkur að ég eigi að gera til að varast þetta undirbúningsþunglyndi og þunglyndi á eftir að hún er farin? Vantar ráð.....
Um helgina var Heiðrún hér og gerði svona vídeó sem ég get ekki séð í minni frægu tölvu (en þú Brynja?)....svo var hún að sjatta við einhvern norskan sætan strák á MSN og ég ætlaði að fara að sýna henni og Irisi hvernig Línudansinn er, setti á tilheyrandi músík og byrjaði...haldið þið ekki að hún beini webbmyndavélinni að mér og sýni stráknum og hann spurði strax hvort þetta væri Línudans...fannst ég eflaust vera dugleg ha, ha.
'A föstudagsmorguninn er búið að panta mig í kennslustund í áttunda bekk (sama og 9 undi heima) því þau eru að læra um Island svo kennarinn vill að ég komi og segi þeim eitthvað...ég er svo vön þessu svo ég er ekkert nervös fyrir því, bara gaman, það eru svo furðulegar spurningar sem koma hjá krökkunum. Síðasta föstudag þurfti ég að syngja afmælissönginn á íslensku fyrir einn bekk (en slapp) einn strákur í sérdeild átti afmæli og óskaði sér að heyra á íslensku, akkúrat þá var ég á smá fundi svo þegar ég kom aftur fóru þau í mat svo ég slapp, ég sem var búin að fá hjálp að finna undirspil meira að segja......flestu verður maður fyrir.......
Núna er ég orðin svo sifjuð að ég hætti þessu bara. Iris er að vinna í síðasta sinn í spilavítinu í kvöld þótt hún sé lasin greyið.

Línudans

2004-09-23T17:26:00.000+02:00

Sko, allt þetta vesen út af tveimur sófaborðum er dálítið gaman, eins og Katrín segir allir hugsa um stelpur og stráka bara ekki Jenny, enda sést það, hún þarf að frjósa í hel á næturnar í þessu húsi með sófaborðinu, bara að sófaborðið fái ekki frostskaða.......sko föðuramma mín átti þetta sófaborð sagði pabbi alltaf og það átti að koma í mina eigu af því ég var elst.....nú svo einhverra hluta vegna varð það eftir á klakanum þegar ég flutti og var alltaf í hálfgerðu reyðuleysi, hjá Heny varð það eftir einhverra hluta vegna og svo minnir mig að það hafi lent heima hjá Regínu og hennar þáverandi manni, Víði og bróður okkar, svo þá er það best komið hjá Jenny, en það voru margir sem vildu eiga það, látið mig vita um það og alls konar hótanir í því sambandi en förum ekkert nánar út í það, liðin tíð....
Jú, eins og fyrirsögnin hljóðar er ég að fara í Línudans, og þar þarf engan dansherra/konu, því maður dansar í beinni línu og þetta er eftir allskonar músík, ekki bara kantrý, svo þetta er rosalega gaman og maður svitnar....sko hendurnar eru ekki komnar í notkun ennþá en við prófuðum aðeins og þá fór allt í hönk, þegar maður þurfti að hugsa um þær líka, sem sagt maður verður þá eins og karlmaður, getur ekki gert 2 hluti samtímis...fyrr en eftir góða þjálfun ha, ha.
Kanski verður maður svo duglegur að maður kemst í elithópinn sem ferðast um allan heim ha, ha.
Núna í dag kom allt í einu sólin fram á himni, en það var gleðiefni því það er búið að rigna alveg rosalega mikið, óvenjulega mikið, en ég ætla nú ekki að þreyta ykkur á veðrinu núna og fer bara að koma mér af stað í dansinn.....á hjólinu mínu sko.

Videókvöld

2004-09-21T23:12:00.000+02:00

Sko þetta kvöld var mjög sekmmtilegt bara. Fyrst hringdi Víðir og boðaði komu sína, en hann er að vinna í Karlstad núna og sá bær er bara rétt hjá (40 km) svo ég gerði góðan kjúllkingarétt og sallat og við nutum þess að borða og Iris vara að sjálfsögðu með líka. alltaf hressandi þegar Viðir er annars vegar, mikið hlegið og talað. Hann verður sennilega nokkra mánuði í Karlstad heldur hann, en það er verið að byggja íbúðir fyrir stúdenta við háskólan.
Nú svo langaði Irisi svo til að ná í vídeóspólu svo við sátum og horfðum á draugamynd, med henni sem lék með James Bond sem var tekin á Islandi (ég hef ekki séð hana) en þetta var reglulega ágæt mynd bara dálítið geðveik draugamynd.
Nú svo eru bæði Víðir og Iris farin og ég að fara að leggja mig er sko ekki vön að vera svona lengi á fótum, Pelle auðvitað löngu farin inn að hrjóta, annars sofnaði hann ekki yfir myndinni en það gerir hann alltaf, hefur tekið tillit til gestanna.
Ég held ég bara kaupi ekkert af þessum íslenska mat, allt of dýrt segja frænkurnar heima sem hafa verðvit á mat...held mig bara við danskar svínalundir, enda þarf ég ekki að tala við þær.
Segi bara góða nótt núna og sé svo hvort þetta hverfi eða fari í bloggið....sko ef það hverfur þá hætti ég þessu......

Spennandi föstudagskvöld í útlandinu

2004-09-17T20:25:00.000+02:00

Núna er föstudagskvöld, ekkert í sjónvarpinu, ég öll aum í skrokknum, en ég var í nuddi hjá Irisi eftir vinnu og ekki vanþörf á því, en mér finnst ég vera slæm allstaðar núna en það er ósköp venjulegt svona þegar byrjar að kólna. En eins og allir vita er hitinn allra meina bót fyrir líkaman, alveg sama hvað þið segið sem voruð orðin þreytt á hitabylgjunni í sumar á klakanum.
Þið þurfið að vera duglega og panta tíma hjá Irisi í nudd, því hún er alveg rosalega dugleg, alveg fædd í þetta, kemur vel á óvart. Enda er fólk farið að hringja í hana núna, en eru svo að tapa henni burtu. Ekkert sniðugt...sko að hún fari heim, en auðvitað vill hún vera hjá Kola, ég skil það svo vel. Bara að þetta gangi vel hjá henni alltsaman.
Ég var að fá bækling frá sænsku kirkjunni í Gautaborg og aftan á því er svona síða þar sem er hægt að panta íslenskar gellur, lambakótelettur og saltfisk og fl o fl...og saltkjöt sem er 4 kg, og þá er fatan innifalin í verðinu. Svo er einhver sem keyrir þetta út um Vermland og ég þyrfti að koma á stoppistöðina t.d. í Örebro held ég hann fari til, ekki Kristinehamn. Verð er nú frekar dýrt, eins og lambaskrokkur (engin slög) kostar 83 kr (sænskar) kíló og lambakótelettur 150 kr kg.....er þetta miklu hærra en verðin eru heima? Mér finnst þetta ekki rosalega dýrt..eða? En ég held samt að ég panti ekki.
Heiðrún klagar yfir að ég hringi ekki oft í hana og það er alveg satt, en það kemur fyrir. Verð að skerpa mig í þessu, ekki hringi ég oft í Jenny, en oftar í Irisi......ekki oft til mömmu og pabba heldur, aldrei til Stefaníu og ennþá aldreiari í Skarpa......
Núna skrifa ég í Word til að þetta bara hverfi ekki.......en ég hef ekkert að skrifa núna, held ég fari snemma í rúmið að lesa, er að lesa spennandi bók eftir norskan höfund Karin Fossum, um litla 10 ára stelpu sem bara hverfur á sínu gula hjóli á leið í sjoppuna að kaupa hestablað. Þetta er góður höfundur, mæli með henni.
Ég verð bar að skrifa seinna þegar andarnir koma yfir mig.

Sko, þetta er ekkert hlægilegt..

2004-09-14T19:08:00.000+02:00

Í gær var ég búin að skrifa alveg helling og það var alveg þræl gott, en það fáið þið aldrei að vita elskurnar mínar.....nú svo eftir allt þetta skrif sendi ég þetta í bloggið.....en það fór eitthvað allt annað, kom upp að þessi síða sé ekki tilgengileg (veit ekki almennilega hvað það heitir á móðurmáli mínu) og svo hef ég gáð oft í dag en ekkert er þar, svona fór um vinnunna þá. En það þýðir ekki að vera leið, spæld eða súr, það er bara að halda áfram, segir Jenny.
Ég var farin að halda að talvan væri nú komin úr öllu sambandi því það var svo mikið þrumuveður í nótt, svo var meiriháttar kröftugur stormur með tilheyrandi rigningu og meira að segja rigndi frá hlið, svo ég vaknaði kl 4 við þetta allt saman en nennti ekki að fara fram til að taka tölvuna úr sambandi (kærulaus) fannst þetta ekki vera svo nálægt, en maður á að telja frá þrumunni að eldingunni og það þýðir kílómetrana frá húsinu, svo kl 5,30 kom engin smá kvellur og ekki hægt að telja því eldingin kom strax og útvarpsklukkan mín slokknaði, þá varð ég bara að fara fram og taka allt úr sambandi, svo þetta reddaðist. En þetta var svo kröftugt að það sló út öllu rafmagni í bara okkar húsi.
ég var að taka inn allar dýnur úr sumarhúsgögnunum inn áðan og fór svo í laaaangan göngutúr.
Ég held ég bara hætti núna svo þið fáið að lesa eitthvað frá mér, þýðir ekki að vera með "Blogg" og skrifa ekkert...eða hvað?
En hver hefur áhuga á að lesa eitthvað sem ég skrifa til allra, bara einhverja vitleysu sem ég er að hugsa um og hvað ég er að fást við þessa og þessa stundina?
Á morgun reyndar er ég að fara á námskeið til Karlstad allan daginn, ekkert sérlega spennandi en samt gaman að hitta fólk sem vinnur við sama prógram og ég og að fá að gera smanburð á vinnu, maður fær alla vega flottan mat því þetta er á flottu hóteli. Bara vonani ekki eitthvað með sveppum en sveppir flæða út um allt á þessum tíma, allt venjulegt fólk úti í skóginum að tína sveppi og allavega sortir, einn heitir Karl Johan, er stór og það er hægt að selja eitt kíló á 40 kr sænskar, Ítali sem kaupir upp allt sem er til sölu. Sá þetta í fréttunum alveg rétt áðan, ég er ekki svo kunnug sveppum, enda ét ég ekki sveppi, þeir vaxa á tánum á fólki.......samt ekki Karl Johan.
Núna verður þetta spennandi hvort síðan er tilgengileg núna......ýta

Sveitalíf án vatns í krana....

2004-09-12T20:14:00.000+02:00

Jæja, núna er ég komin heim eftir 3ja daga vistarveru í Dalalífi. Svoleiðis var að Kalle og Carina buðu okkur með í sumarparadísina þeirra alla helgina svo Pelle gæti hjálpað til að setja þakplötur á aukahús sem þau fluttu á svæðið. Nú við keyrum strax eftir hádegið´með í þeirra bíl og ég held ég vilji nú ekki fara í bíl aftur með Kalle sem bílstjóra, hann keyrði á 140 alla leiðina, þetta er venjulega 4urra tíma leið en vorum bara rúmlega 2 tíma. Annars var þetta æðislegt bara, nema að það er ekkert vatn í bústaðnum, maður þarf að ná í vatn í brúsa í þorpið......en svo er vatn sem er hægt að baða sig í en það var bara 16 gráðu hiti í því og það er sko ekki fyrir mig. Það er gufubaðstofa sem hann hefur látið byggja í einu húsinu og það er mjög notalegt, svo af því ég er svona hinseigin (vill ekki hoppa í vatnið á eftir) þá er stór vatnspottur sem er hægt að hita vatn í með viðarhitun svo þá er bara að standa nakinn fyrir neðan bátahúsið og skola sig og þvo sér.
Þeim innfæddu finnst þetta voðalega kósý að baða svona í vatninu og svo ef er þarna að vetri til er það erfitt.
Nú annað hefur ekki skeð þessa helgina við Carina fórum í gönguferðir í skóginum og tíndum bláber, aðalbláber sem eru dálítið ofþroskuð, einnig fann ég einhverja sort af krækiberjum en þau voru ekki eins og heima, en lík, en það tína ekki svíar...svo var auðvitað hellingur af sveppum og það alla vega sortum, en ég borða ekki þannig.....
Hei..núna kom Iris með sjónvarpið svo hún lendi ekki í sekt því hún er búin að afskrá það.

útlandsbúi skrifar

2004-09-05T22:32:00.000+02:00

Jæja...þetta er bara ekki hægt að vera ekki alveg eins og allir hinir og eiga "blogg" síðu.
'Eg er nú ekki viss um að þetta hafi tekist hjá mér.......en ætla að prófa.
Þótt ég sé útlandsbúi þá er ég ánægð að eiga ekki heima í Flórída núna, engin smá fellibylur sem hefur dunið yfir þá over there.
'I gær var 3ja daga stæðsti markaður á Norðurlöndum í Filipsstad, sem er bara 50 km héðan, hann er árlegur og alltaf mikið fólk, næstum troðningur en yfirleitt gott veður og það brást ekki núna, því það var steikjandi hiti og sól og troðið af fólki. Ég keypti nú ekkert nema ökklasokka, 7 pör á 100 kr sænskar, enda var ég nýkomin heim úr verslunnarferð í Ullared, en þar er stæðsta vöruhús Evrópu undir einu og sama þakinu og hlægileg verð, sko engu líkt, enda keypti ég ekkert smá mikið. Fór í rútuferð þangað sem tekur 4,5 tíma með vinkonu minni og við skemmtum okkur konunglega við þetta....gaman að kaupa og kaupa.
'I dag var ég í afmæli hjá Teres sem varð 20 ára og svo flutti hún að heiman síðustu helgi líka til Jönköping en þar byrjaði hún í fjögurra ára námi í háskóla, eitthvað svipað nám og Jenny var á Bifröst. Þar fékk hún alveg nýbyggða íbúð sem var eingöngu byggt fyrir stútenta, voða flott.
'Eg veit nú ekki hvað ég á að reyna að skrifa, held ég láti þetta bara duga svona í fyrsta sinn, kanski verður ekkert úr þessu hjá mér og þá er ég búin að vera að puða við að skrifa helling, en ég skrifa nú ekki með einum putta heldur svo þetta er nú í lagi.
endilega skrifiði eitthvað sætt til mín.